“Huawei” iki “TechRadar” Mobil Seçim İstehlakçı Mükafatı qazandı

“Huawei” iki “TechRadar” Mobil Seçim İstehlakçı Mükafatı qazandı
12:24
13.11.2019
2331
Ölkə
A
2019-cu ilin Ən yaxşı kameraya malik telefonu və Ən yaxşı qiymətli smartfonu: İki “TechRadar” Mobil Seçim İstehlakçı Mükafatını “Huawei” qazandı

“Huawei” İstehlakçı Biznes Qrupu (İBQ) hər il London “Cafe de Paris”-də keçirilən “TechRadar” Mobil Seçim İstehlakçı Mükafatları (MSİM) 2019-da iki nüfuzlu mükafata layiq görüldü.

Namizədlərin “TechRadar”-ın münsiflərdən ibarət ekspert qrupu tərəfindən seçildiyi illik istehlak sorğusunun bir hissəsi, istehlakçılar onların seçiminə və “TechRadar” MSİM mükafatının nüfuzlu qalibinə çevrilməyə layiq olduğunu hiss etdikləri şəbəkə və ya cihaza səs verməyə dəvət olunurlar. 

19-cu tədbirdə gecənin aparıcıları “Huawei”-in mobil fotoqrafiyada liderliyini təsdiqləyən və istehlakçıların smartfonları üstün xüsusiyyətlərlə cəlbedici bir qiymətə ala biləcəyini sübut edən HUAWEI P30 Pro-nu Ən yaxşı kameraya malik telefon, HUAWEI P smart 2019-u isə Ən yaxşı qiymətli telefon (200 funt-sterlinqdən aşağı) elan etdilər.

Gecədə HUAWEI P smart 2019-u elan edərkən ev sahibləri əlavə etdi: “HUAWEI P smart 2019 inanılmaz bir qiymətə gözəl dizayn və geniş saxlama həcminə görə münsiflərimiz tərəfindən təqdir edilmişdir.”

Bundan qısa müddət sonra HUAWEI P30 Pro-nun qalib elan olunduğu Ən yaxşı kameraya malik telefon kateqoriyasına keçildi. “Huawei” öz mükafatını götürərkən ev sahibləri çıxışa davam etdi: “Bir telefonda dörd kameranın olmasının çox incə bir mexanizm olduğunu düşünə bilərsiniz; amma “Huawei” bu texnologiya ilə parlaq bir kamera düzəldə biləcəyini göstərmiş və şəkillərinin aydınlığı və zənginliyi ilə münsiflərimizi heyran edən bir telefon təqdim etmişdir.”

Bu “TechRadar” Mobil Seçim İstehlakçı Mükafatı öz markasının şöhrətini davam etdirən 2018-ci ildə üç “TechRadar” Mobil Seçim Mükafatı (İlin istehsalçısı, İlin telefonu, Ən yaxşı kameraya malik telefon) qazanmış “Huawei”-ə verilir. “Huawei” həmçinin 2017-ci ildə iki mükafat (Ən yaxşı orta bazar qiymətli telefon, Diqqətə layiq), 2016-cı ildə isə bir mükafat (Ən yaxşı kameraya malik telefon) qazanmışdır.

“İstehlakçılar və “TechRadar”-ın texnologiya mütəxəssisləri tərəfindən tanınmağımızdan şərəf duyuruq və HUAWEI P seriyası cihazları üçün iki mükafat almağımıza məmnunuq. “Huawei” innovativ və güclü texnologiyaları ilə smartfon kamerası imkanlarının hüdudlarını aşaraq istehlakçılara yeni və təkmilləşdirilmiş smartfon fotoqrafiyası təcrübələrini təqdim etmək niyyətindədir” - deyə, “Huawei” İstehlakçı Biznes Qrupunun Mobil telefon işləri üzrə vitse-prezidenti Li Changzhu bildirdi. 

“İngiltərədə 19 il boyunca hər il keçirilən “TechRadar” Mobil Seçim İstehlakçı Mükafatlarımız istehlakçıların ən çox sevdikləri mobil telefonlara səs vermək imkanını sevdiklərini göstərən 34,000-dən çox istehlakçı səsi toplamaqla istehlakçılarla bağlı mövcud istənilən səviyyə göstəricisini keçmişdir” - deyə, “TechRadar” Mobil Seçim İstehlakçı Mükafatlarının Mükafatlar üzrə direktoru Mark Fermor bildirdi. 

““TechRadar” HQ-də istehlakçıların və ekspert münsiflərimizin “Huawei”-i bu iki nüfuzlu kateqoriyada tanıdıqlarını görmək çox xoşdur.” 

“Huawei”-in “Ən yaxşı kameraya malik telefon” kateqoriyasındakı qalibiyyəti “TechRadar” MSİM 2019-da ən yüksək fəxri mükafatlar qazanmaqla fotoqrafiyaya innovativ yanaşma tendensiyamızı davam etdirir. HUAWEI P9 2016-cı ildə Ən yaxşı kameraya malik telefon seçilmişdi, HUAWEI P20 isə 2018-ci ildə mükafata layiq görülmüşdü.  

“Huawei” HUAWEI P seriyasının estetik dizaynı və innovativ fotoqrafiya texnologiyasını davam etdirərək 2019-cu ilin sentyabr ayında Yeni P30 Pro-nu təqdim etdi, Yeni P30 Pro rəng dizaynında dəbdəbəli təkmilləşdirmələrə və təkmilləşdirilmiş foto və video montaj funksiyalarına sahibdir.

HUAWEI P30 seriyası 17 milyon ədəddən çox satılaraq istehlakçının sevimlisi olaraq qalmışdır. O, Avropanın Şəkil və Səs Assosiasiyası (AŞSA) da daxil olmaqla dünyanın bir çox nüfuzlu təşkilatları tərəfindən sevilmiş və təqdir edilmişdir. HUAWEI P30 Pro Assosiasiya tərəfindən “2019-2020-ci ildə AŞSA-nın ən yaxşı smartfonu” adına layiq görülərək “Huawei”-in bu kateqoriyada ard-arda ikinci il də qalib olmasına səbəb olmuşdur.

 

ŞƏRH YAZ
0

Yağış yağacağı gözlənilir

Yağış yağacağı gözlənilir
05:56
Bu gün
3113
Ölkə
A
Dekabrın 13-nə gözlənilən hava şəraiti açıqlanıb.

Ekologiya və Təbii Sərvətlər Nazirliyinin Milli Hidrometeorologiya Departamentindən "Ölkə.Az"a verilən məlumata görə, Bakıda və Abşeron yarımadasında gün ərzində arabir yağış yağacağı gözlənilir. Mülayim cənub-şərq küləyi əsəcək.

Havanın temperaturu Abşeron yarımadasında gecə 4-7, gündüz 10-13, Bakıda gecə 5-7, gündüz 11-13 dərəcə isti olacaq.

Atmosfer təzyiqi normadan daxilində 763 mm civə sütunu, nisbi rütubət 70-80 faiz təşkil edəcək.

Azərbaycanın rayonlarında arabir yağış yağacağı gözlənilir. Ayrı-ayrı yerlərdə duman olacaq. Qərb küləyi əsəcək.

Havanın temperaturu gecə 1-6, gündüz 8-13 dərəcə isti, dağlarda gecə 3 dərəcə şaxtadan 2 dərəcəyədək isti, gündüz 3-7 dərəcə isti olacaq.

Ölkə.Az

ŞƏRH YAZ
0

Azərbaycanlı deputatların polis və prokuror övladları — SİYAHI

Azərbaycanlı deputatların polis və prokuror övladları
22:35
12.12.2019
8693
Ölkə
A
Xəbər verdiyimiz kimi, bu ayın əvvəlində müstəqil Azərbaycanın tarixində ilk dəfə olaraq Milli Məclisin buraxılması haqqında qərar qəbul olundu və fevral ayının 9-da ölkədə növbəti parlament seçkiləri keçiriləcək.

"Ölkə.Az" yeniavaz.com-a istinadən xəbər verir ki, səlahiyyətləri sona çatan, lakin hələ də millət vəkili statuslarını saxlayan Milli Məclis üzvlərinin bir çoxu 4 illik fəaliyyətləri dövründə dəfələrlə mətbuatın və sosial şəbəkələrin müzakirə mövzusuna çevrildilər.

Onlar daha çox işlətdikləri ifadələrə görə gündəmə gəlsələr də, bəzi deputatlar hüquq-mühafizə orqanlarında yüksək vəzifə tutan övladları və digər yaxınlarına görə müzakirə olundular.

Təxminən 2 aydan sonra millət vəkili statusunu itirəcək deputatların hüquq-mühafizə orqanlarında işləyən yaxınlarının siyahısını təqdim edirik:

- Milli Məclisin üzvü, Azərbaycan Həmkarlar İttifaqı Konfederasiyasının rəhbəri olan Səttar Möhbalıyevin oğlu və eyni zamanda da bu yaxınlarda vəzifədən azad olunan Prezidentin köməkçisi Əli Həsənovun kürəkəni - İsfəndiyar Möhbalıyev Xəzər rayonu Polis İdarəsinin rəisidir

- Millət vəkili Aqil Abbasın oğlu - Tuncay Abbasov Suraxanı Rayon Polis İdarəsinin 30-cu bölməsinin rəisidir

- Deputat Elman Məmmədovun oğlu - polkovnik-leytenantı Elşad Məmmədov Baş Dövlət Yol Polisi İdarəsinin Avtomobillərin Texniki Müayinə Mərkəzinin rəisi

- Millət vəkili, Şuşa Rayon İcra Hakimiyyətinin başçısı Bayram Səfərovun oğlu - Xəlil Bayramov Qaradağ rayon 10-cu Polis Bölməsinin rəisi

- Deputat Çingiz Qənizadənin oğlu - Elgiz Qənizadə Binəqədi rayon prokurorunun müavini

- Deputat Flora Qasımovanın oğlu - polis polkovniki Elsevər Mirzəyev Daxili İşlər Nazirliyinin Baş Kadrlar İdarəsinin rəis müavini

- Millət vəkili Sahib Alıyevin qardaşı - Bayram Alıyev Nərimanov rayon Polis İdarəsinin 18-ci polis bölməsinin rəisi

- Milli Məclisin üzvü Vahid Əhmədovun oğlu - Zəfər Əhmədov Qaradağ rayonunun prokuroru

- Deputat İmamverdi İsmayılovun oğlu - polis mayoru İlkin İsmayılov Sumqayıt Şəhər Yol polisinin imtahan-qeydiyyat şöbəsinin rəisi

- Millət vəkili Hüseynbala Mirələmovun oğlu - polis-polkovniki Fərid Mirələmov Xəzər Rayon Polis İdarəsinin 3-cü Polis Bölməsinin rəisi olub.

Ölkə.Az

ŞƏRH YAZ
0
BAĞLA