"Artıq əxlaqımız deqradasiyaya uğramaqdadır"
"Ölkə.Az" xəbər verir ki, tədbirdə Hüquq Müdafiə Təşkilatlarının Monitorinq Qrupunda birləşmiş hüquq müdafiəçiləri, QHT rəhbərləri, media və ictimaiyyət nümayəndələri iştirak edirlər.
Tədbirin keçirilməsində əsas məqsəd son dövrlər sosial şəbəkələrdə söyüş, təhqir və böhtan xarakterli çıxışlara qarşı müzakirə aparmaqdır.
Bunu millət vəkili Çingiz Qənizadə dəyirmi masada çıxış edib:
"Bu gün Azərbaycanda vətəndaş müharibəsi gedir. Cəmiyyət iki hissəyə bölünərək qarşılıqlı təhqir edir. Bundan əziyyət çəkən xalqdır".
Biz tərəfləri milli-mənəvi, dini dəyərlərimizə zidd böhtan, söyüşə son verib sülhə, danışıqlara dəvət edirik. Artıq əxlaqımız deqradasiyaya uğramaqdadır. Ona görə də biz bura toplananlar tərəflərə belə ziyanlı yoldan çəkinməyə çağırırıq. Biz hətta tərəflərlə görüşüb barışıq əldə etməyə hazırıq"- deyə deputat bildirib.
O əlavə edib ki, söyüş, təhqirə yol verənin əməli cinayət məsuliyyəti yaradır.
"Onlar Cinayət Məcəlləsinin 147,148 maddələri ilə məsuliyyətinə cəlb oluna bilərlər. Əgər onlar bu hərəkətlərinə son verməzlərsə məsuliyyətə cəlb olunmasına çalışacağıq. Odur ki, biz tərəfləri sivil mübarizəyə dəvət edir və söyüşə, təhqirə və böhtana YOX deməyə çağırırıq"- Ç.Qənizadə deyib
Ölkə.Az
