İmişlidəki qətlə görə 3 nəfər tutuldu

İmişlidəki qətlə görə 3 nəfər tutuldu
12:00
15.04.2019
1275
Hadisə
A
Aprelin 13-də İmişli şəhər sakini Validə Məmmədovanın üzərində zorakılıq əlamətləri olan meyitinin Araz çayının Otuziki kəndi ərazisindən keçən hissəsinin sahilində tapılması barədə daxil olmuş məlumatla əlaqədar dərhal rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib.

DİN-in Mətbuat xidmətindən "Ölkə.Az"a verilən məlumata görə, araşdırmalarla V.Məmmədovanın yaşadığı evin həyətində onunla qonşu olan qaynı arvadı A.Məmmədova və Qulubəyli kənd sakini O.Seyidov tərəfindən baş nahiyəsinə yumruq və taxta parçası ilə vurulmaqla, sonradan boğularaq qətlə yetirilməsi, habelə hadisə yerinin yaxınlığında “Mercedes” markalı avtomobildə gözləyən O.Seyidovun tanışları olan həmkəndliləri, sürücü A.Surxayzadənin və sərnişini H.Cəlalzadənin köməkliyi ilə meyiti kisədə avtomobilin yük yerinə qoyub Araz çayına atmaları müəyyən edilib. 

Təxirəsalınmaz istintaq və əməliyyat-axtarış tədbirləri nəticəsində qətli törətməkdə şübhəli bilinən A.Məmmədova, O.Seyidov və H.Cəlalzadə saxlanılıblar. Faktla əlaqədar cinayət işi başlanılıb. 

Ölkə.Az

ŞƏRH YAZ
0

Bakıda avtomobillə Xaçmaz sakini qətlə yetirilib

Bakıda avtomobillə Xaçmaz sakini qətlə yetirilib
20:18
Bu gün
150
Hadisə
A
Bakıda avtomobillə Xaçmaz sakini qətlə yetirilib.

Daxili İşlər Nazirliyi Mətbuat xidmətindən "Ölkә.Az"a verilən məlumata görə, iyunun 23-də saat 23 radələrində Buzovna qəsəbəsi ərazisində qəsəbə sakini M.Baxşəliyev münaqişə zəminində, idarə etdiyi “VAZ-2107” markalı avtomobillə Xaçmaz rayon sakini Rəşad Əliyevi vurması və sonuncunun hadisə yerində ölməsi barədə Xəzər RPİ-nin 2-ci Polis Şöbəsinə məlumat daxil olub.

Dərhal rayonun polis və prokurorluq orqanlarının əməkdaşları hadisə yerinə gəlib, müvafiq tədbirlər həyata keçirilib.

Ölkә.Az

ŞƏRH YAZ
0

Qaçırdığı maşınla birgə tutuldu

Qaçırdığı maşınla birgə tutuldu
19:03
Bu gün
1244
Hadisə
A
İyunun 22-nə keçən gecə Yasamal rayonunun S.Dağlı küçəsindən Bakı şəhər sakini V.Məmmədyarova məxsus “Mercedes” markalı avtomobil qaçırılıb.

DİN Mətbuat Xidmətindən "Ölkə.Az"a verilən məlumata görə, Yasamal RPİ 26-cı PB əməkdaşlarının keçirdikləri əməliyyat tədbirləri nəticəsində hadisəni törətməkdə şübhəli bilinən paytaxt sakini A.Həsənov Lökbatan qəsəbəsi ərazisində avtomobillə birlikdə saxlanılıb.

Araşdırma aparılır. 

Ölkə.Az

ŞƏRH YAZ
0
BAĞLA