İndiki qarpız və yemişi yemək... — MÜTƏXƏSSİS XƏBƏRDARLIĞI

İndiki qarpız və yemişi yemək...
01:28
13.06.2019
2485
Ölkə
A
İyunun əvvəli olsa da, artıq ötən aydan başlayaraq bazarlarda qarpız, qovun satılır. Hələ ki, bazarda daha çox qarpız məhsuluna rast gəlirik. Qiyməti isə o qədər də münasib deyil, belə ki, 1 kq-ı 3 manatdan satılır. Yəni əgər 6-7 kiloqramlıq qarpız almaq istəsəniz, 20 manatdan keçməli olacaqsız. Eləcə də qovunun qiyməti də hələlik çox bahadır - kilosu 5-6 manat. Beləliklə, bazarda qarpız yemiş satışı artsa da, məlum olduğu kimi indiki mövsümdə satılan bu məhsullar əsasən mineral gübrənin köməyi ilə yetişir. Onların əsl yetişmə mövsümü isə iyul ayının sonlarından başlayır. İki ay yarıma ərsəyə gələn qarpızın yetişməsi üçün lazım olan temperatura yalnız həmin aylarda təsadüf olunur. Ona görə də mütəxəssislər adətən avqust ayından tez qarpız, yemiş yeməyi məsləhət görmürlər. Bəs hazırda bazarda satılan qarpızı yeyək ya yeməyək?

"Ölkə.Az" musavat.com-a istinadən bildirir ki, mövzu ilə bağlı Azad İstehlakçılar Birliyinin sədri Eyyub Hüseynov açıqlama verib: "Bizim qurumun əməkdaşları xüsusi cihazlarla satılan qarpızlardakı nitratın miqdarını ölçüb. Məlum olub ki, hazırda satılan qarpızlarda onun miqdarı normadan iki dəfə artıqdır. Əhali bilməlidir ki, hazırda qarpızların və yemişlərin yetişdirilməsində külli miqdarda nitritlərdən istifadə olunur. Nitritlər insanı tədricən zəhərləyən kimyəvi maddələrdir. Normalara görə, bir kiloqram qarpızın tərkibində 60 milli qramdan çox nitrit olmamalıdır. İnsan gün ərzində 200-300 milli qramdan artıq nitrit qəbul etsə zəhərlənər. Hesablasaq görərik ki, bir adam hətta tərkibində normalara uyğun 60 milli qram olan 3 kilo qarpız yesə, artıq o, zəhərlənməyə məruz qalar.

Normadan artıq nitriti olan qarpızı rəngindən, çəkisindən, dadından seçmək olar. Belə ki, əsl qarpızın rəngi tünd al-qırımız olur, görünən zoğları olmur, çəkisi 4-5 kq-dan artıq olmur, bıçaq vuranda çatlayır. Nitriti çox olan qarpızın rəngi isə çəhrayı olur, zoğları görünür, şirinliyin normadan artıq olur. Ümumiyyətlə qarpız və yemiş çox sevilən məhsuldur. Çox yaxşı olardı ki, Qida Təhlükəsizliyi Agentliyinin əməkdaşları hələ qarpız-yemişin tarlalarda əkildiyi zaman kənd təsərrüfatı işçilərinin yanında olub, gübrələrin verilməsinə nəzarət etsinlər, məhsulların tarladan satışa qədər olan dövrünü yaxından izləsinlər".

Onu da xatırladaq ki, bu mövsümdə satılan qarpızların qəbulu zamanı tez-tez zəhərlənmə halları baş verir. Mütəxəssislər qeyd edir ki, bu cür zəhərlənmə zamanı insanda qəfil halsızlıq, soyuq tər, təzyiqin qəfildən düşməsi kimi hallar müşahidə edilir. Bəzən də olur ki, qarpızdan zəhərlənən şəxsdə zəhərlənmənin fəsadları qalır. Buna görə də qarpızdan zəhərlənən şəxsə dərhal çoxlu maye içirtmək məsləhət görülür. Daha sonra əgər təzyiq düşübsə, onu soyuq tər basıbsa, zərərçəkənin başı aşağı vəziyyətdə qalmasını tənzimləmək lazımdır ki, başına qan getsin. İlkin yarımdan sonra dərhal həkimə müraciət edilməlidir.

Ölkə.Az

ŞƏRH YAZ
0

Quba Rayon İcra Hakimiyyətinin başçısı Ziyəddin Əliyev abituriyentlərə vəd verib. — “Ulduz”un Qədiri

Quba Rayon İcra Hakimiyyətinin başçısı Ziyəddin Əliyev abituriyentlərə vəd verib.
03:55
Bu gün
225
Ölkə
A
Bu gün mərhum aktyor Bahadur Əliyevin anım günüdür.

"Ölkə.Az" kulis.az-a istinadən xəbər verir ki, bu münasibətlə onun haqqında maraqlı faktları təqdim edir.

Geniş tamaşaçı kütləsi onu “Ulduz” filmində yaratdığı kolxoz sədri Qədir obrazı ilə tanıyır. Obraz o qədər gözəl ifa olunub ki, bütün hərəkətləri və sözləri dillər əzbəridir.

***

Rol aldığı film və tamaşalar tamaşaçıda həmişə təbəssüm yaradırdı. Həyatda da mehriban, səmimi, əliaçıq, həyat eşqli insan idi.

***

Bir müddət dublyaj sexinin direktor müavini işləyib. Sovet və hind filmlərinin səsləndirilməsində əvəzsiz əməyi olub. Bahadur müəllimi “dublyajın vuran ürəyi” adlandırırdılar.

Image result for bahadur əliyev

***

Ədəbiyyatı çox sevirdi. Poeziyaya xüsusi sevgisi vardı. Hətta şeirlər də yazmışdı.

***

SSRİ və Hindistanın birgə çəkdiyi məşhur “Əlibaba və 40 quldur” filmdə rol almışdı.

***

Sonuncu çəkildiyi kadr kütləvi səhnələrdə yer aldığı “Bəyin oğurlanması” filmidir. Filmin sonuna yaxın kolxoz sədri Hidayət müəllimlə (Səməndər Rzayev) birgə rəqs edir. Lakin rəsmi geyimdə - kostyum və qalstukda olan Bahadur Əliyevin filmdə kimliyi bilinmir.

***

“Bəyin oğurlanmsı” 1985-ci ildə çəkilib. Bahadur müəllim bu filmdən 17 il sonra – 2002-ci ildə dünyasını dəyişib. Və bu 17 ildə ciddi böhranlarla üzləşən kinoda heç bir rol ala bilməyib. Bu fakt onun səhhətinə ciddi təsir edirdi.

***

Ailəsi də böyük idi. Onun 10 uşağı vardı.

***

Təkliyi heç vaxt sevmirdi. Hara getsə, dəvət alsa dostlarını da yanında aparırdı. Tənhalıqdan çox qorxurdu. Buna görə də daim insanların içində olurdu.

Image result for bahadur əliyev

***

Bir dəfə televiziyada onun öldüyü haqqında xəbər oxunur. Bahadur Əliyev özü bu xəbəri eşidir və çox sarsılır.

***

Aktyorun ölümü də kədərli olub. 2002-ci ilin bu günü Sumqayıtda yolda gedərkən qəfil infarkt keçirərək dünyasını dəyişir.

ŞƏRH YAZ
0

“Leş Tofiq” tutulan kimi restoranlarda qiymət qalxıb — Sensasion AÇIQLAMA

“Leş Tofiq” tutulan kimi restoranlarda qiymət qalxıb
02:51
Bu gün
315
Ölkə
A
“Bəzi restoranlarda ət yeməklərində qiymət artımının baş verməsi ilə bir neçə gün əvvəl “leş mafiyası”nın zərərsizləşdirilməsi ararsında əlaqə ola bilər”.

"Ölkə.Az" xəbər verir ki, bu sensasion açıqlamanı “Yeni Sabah”a Azad İstehlakçılar Birliyinin (AİB) sədri Eyyub Hüseynov verib. 

Onun sözlərinə görə, restoranlar, şadlıq sarayları “leş mafiyası”nın əsas müştərilərdəndir. 

“Bəzən deyirlər ki, “leş mafiyası” kolbasa sexləri ilə işləyir. Xeyr. Təkcə kolbasa sexləri deyil.  Onlar restoranlar, şadlıq sarayları, kafelərlər də işləyir. Hətta deyərdim ki, onların mallarını daha çox restoran və kafelər alır”,- deyə Eyyub Hüseynov bildirib.

AİB sədri qeyd edib ki, uzun illərdir müvafiq qurumları, eyni zamanda ictimaiyyəti “leş mafiyası”na qarşı mübarizəyə çağırıb: 

“Bu məsələdə yalnız Daxili İşlər Nazriliyinin fəaliyyətini yüksək qiymətləndirə bilərəm. Bir neçə il əvvəl də məhz bu nazirlik mənim “leş mafiyası” ilə mübarizəmə dəstək verdi. Həmin vaxt leş ətlərin Bakıda saxlanıldığı yeri müəyyən etmiş və dərhal bunu ictimailəşdirmişdim. O zaman hətta DİN təhlükəsizliyimi qorumağı da təklif etdi.  Həmin vaxt ciddi istimai dəstək olmadığına və digər qurumlar baş verənlərə həvəssiz yanaşdığına görə bu mafiyanı tam olaraq zərərsizləşdirmək olmadı. 

Bir neçə gün əvvəl bu yenə də DİN-nin əməkdaşları bu mafiyanın xeyli üzvünü həbs etdi. Buna görə nazir Vilayət Eyvazoba təşəkkür edirəm. Bu çox ciddi bəladır. Buna qarşı hamı mübarizə aparmalıdır”.

Eyyub Hüseynov deyir ki, bəzi hallarda leş ətlər uşaq bağçalarına da yol tapır.

“Bu adamlar üçün müqəddəs heç nə yoxdur.  Ona görə də ciddi tədbir görülməli və bu məsləyə birdəfəlik son qoyulmalıdır. Mən din xadimlərini də bu məsələyə biganə qalmamağa çağırıram.

Leş mafiyası ilə əlaqədə olan restoranlar, şadlıq sarayları və kafelərin adları ictimaiyyətə açıqlanmalıdır. Onlar cinayət məsuliyyətinə cəlb edilməklə yanaşı, ictimai qınağa da tuş gəlməlidir”,- deyə AİB sədri vurğulayıb.

Xatırladaq ki, bir neçə gün əvvəl DİN-nin Baş Mütəşəkkil Cinayətkarlığa Qarşı Mübarizə İdarəsi əməliyyat keçirərək  qidaya yararsız, ölmüş iri buynuzlu mal və at ətlərinin respublikanın müxtəlif rayonlarından toplanması, tədarükü və emalı ilə məşğul olan dəstəni həbs edib. Dəstəyə rəhbərliyi “Leş Tofiq” ləqəbli Alıxan Rzaxanov və Əlifxan Rzaxanov həyata keçirib.

 
ŞƏRH YAZ
0
BAĞLA