İŞİD terrorçuları evlərinə qayıdır

"Ölkə.Az" xəbər verir ki, terrorçular evə qayıda bilmək üçün Suriyanın İdlib əyalətinə yığılırlar. Onlarla terorçu isə Türkiyə ərazisinə keçib.

İddiaya əsasən Səudiyyə Ərəbistanından olan dörd terrorçu adambaşına 2 min dollar ödəyərək sentyabr ayında Türkiyə ərazisinə keçib. Terrorçular Türkiyədən Avropa, Şimali Afrika və Orta Şərqdəki ölkələrinə qayıtmağa çalışacaqlar.

Avqust ayının sonunda Suriyadan qaçan səudiyyəli bir terrorçu müsahibəsində bildirmişdi ki, əsasən səudiyyəlilərdən ibarət 300 nəfərlik terrorçu qrupu Nusra cəbhhəsinin nəzarəti altındakı İdlib şəhərinin şimalına toplaşıb. 26 yaşlı Əbu Səəd açıqlamasında "Çoxu mənim kimi qruplaşmadan ayrılmaq istəyir. Bir çoxumuz aldadıldığımızı anladıq. Digərləri Nusraya etibar etmir. Birlikdə olduqları insanların düzgün yolda olduğuna inanan çox az insan var"-demişdi.

Hikmət Həsənov
Ölkə.Az