İsveçrə "böcəkburqer"lərin satışına icazə verdi
İsveçrədə proteinlə zəngin olan və tərkibində un qurdu olan hamburqerlər satışa çıxarılıb.
"Ölkə.Az" xəbər verir ki, İsveçrənin ikinci böyük supermarket zəncirinin Bazel, Bern, Lozanna, Luqano, Sürix və Vinterthur kimi şəhərlərindəki bölmələrində "böcəkburqer"lər satılır. Uzaq Şərqdə geniş yayılan və dünyada iki milyard insanın yediyi təxmin edilən böcəklərin satışına icazə verən ilk Avropa ölkəsi İsverçə olub.
Satışa çıxarıldığı ilk gün müştərilərin diqqətini cəlb etməyən böcəkburqerlərən cəmi bir neçəsi satılıb.
Qeyd edək ki, ötən ilin may ayında İsverçə qanununa edilən dəyişikliyə görə sadəcə heyvanlar üçün nəzərdə tutulan un qurdu, çəyirtkə və cırcıramanın insanlar tərəfindən istifadəsinə icazə verilmişdi.
Hikmət Həsənov
Ölkə.Az
