Jurnalistlə idmançının məhkəməsi sona çatdı — Kamil Zeynallı üzr istəyəcək

Jurnalistlə idmançının məhkəməsi sona çatdı
12:41
17.03.2017
799
Maqazin
A
İdmançı Kamil Zeynallı və jurnalist Əfruzə Ağayeva arasındakı məhkəmə prosesi başa çatıb.

"Ölkə.Az"-ın məlumatına görə, Ə.Ağayevanın qarşı tərəflə bağlı tələbi qismən təmin olunub. 

Belə ki, K.Zeynallı jurnalistin ünvanına yazdığı təhqirlərə görə İnstaqram səhifəsində, müsahibələrdə üzr istəyəcək. 

Ə.Ağayeva bildirib ki, hələ də qərarla tam razılaşmır:

“Demişdim, Kamil Zeynallı, sonda üzr istəyəcəksən, vəssalam. Ancaq qərarla tam razı deyiləm, yenidən Appelasiya məhkəməsinə müraciət edəcəm. Çünki hakim Kamil Zeynallı üzr istədikdən sonra mənim də çalışdığım saytda aparıcı Şəbnəm Həsənovanın yazısına görə təkzib verməyimi istəyib. Amma mən bunu etməyəcəm. Çünki yalan yazmamışam. Adam nə vaxt təkzib verər? Yalan yazı yazanda. Şəbnəm xanım etiraf edib və səs yazısı da var. Orada deyir ki, Kamilin mənə söydükləri nəslindəki xanımlara getsin".

Məsələ ilə bağlı hüquqşünas Vüqar Səfərli də məlumat verib:

"Bu gün Bakı şəhəri Xətai rayon mehkəməsində hakim Namidar Misirzadənin sədrliyi ilə məhkəmə prosesi baş tutdu. Məhkəmədə Əfruzə Ağayevanın Kamil Zeynallıya qarşı "Şərəf və ləyaqəti, isgüzar nüfuzun müdafiəsi və dəymiş mənəvi zərərin əvəzinin ödənilməsi" iddiasına baxıldı. Məhkəmə Əfruzə xanımın iddia tələbini qismən təmin etdi. Kamil Zeynallı jurnalistdən dediyi söyüşlərə görə üzr istəyəcək. Əfruzə Ağayevanın iddia tələbinin qalan hissəsində, yəni 50.000 manat dəymiş mənəvi zərərin ödənilməsi prosesi rədd edilib. Eyni zamanda Kamil Zeynallının tələb etdiyi Əfruzə Ağayevanın aparıcı Şəbnəm Hüseynovanın “Kamilin mənə söydüyü söyüşlər onun nəslindəki xanımlara getsin” başlıqlı xəbərini təkzib olunması iddiası təmin edilib. Kamil Zeynallının jurnalistdən 100 min manat tələb etməsi iddiası da rədd edilib".

K.Zeynallı məsələ ilə bağlı sosial şəbəkədə fikirlərini yazıb:

”Bu gün mənə qarşı açılan məhkəmə yekunlaşdı, qərar verildi: Kamil Zeynallı heç bir təzminat ödəməyəck. Qarşı tərəf Kamil Zeynallıdan üzr istəyəcək, Kamildə qarşı tərəfdən... Hara kimi lazımdırsa, gedəcəm... 50 min, yox bir 50 qəpik”.

Ölkə.Az

ŞƏRH YAZ
0

Firuzə İbadovanın qızı hicab bağladı — Fotolar

Firuzə İbadovanın qızı hicab bağladı
19:02
26.05.2018
3792
Maqazin
A
Əməkdar artist Firuzə İbadova "Zaurla Günaydın" verilişinə qonaq olub.

"Ölkə.Az"ın məlumatına görə, müğənni proqrama 90 yaşlı anası Hökümə xanımla və qızı Hülya ilə birlikdə qatılıb. 

İbadovanın qızı hicaba keçib. O bildirib ki, artıq bir müddətdir hicab bağlayır.

Qeyd edək ki, Hülya bir neçə il əvvəl həyat yoldaşından boşanıb. Onun  Hökumə adında bir qızı var.

"Ölkə.Az"ın əldə etdiyi məlumata görə Hülya ikinci dəfə ərə gedir.

ŞƏRH YAZ
0

Avtoqəzaya düşən əməkdar artist illər sonra efirdə — FOTOLAR

Avtoqəzaya düşən əməkdar artist illər sonra efirdə
15:15
26.05.2018
5520
Maqazin
A
Azərbaycanın ilk skripka ifaçısı, əməkdar artist Natiq Nuriyev illər sonra efirə çıxıb.

"Space" telekanalında Kamran Həsənlinin aparıcısı olduğu "Onda başladıq" verilişində qonaq olan sənətkarın sağlamlığında problem olduğu üzə çıxıb. Bu barədə "Ölkə.Az"a danışan Nuriyev ağır avtoqəzaya düşdüyünü söyləyib:

"Hava limanına gedən yolda ağır qəzaya düşmüşdüm. Şükür ki, indi hər şey yaxşıdır. Amma yeriməyimdə problem var".

Qeyd edək ki, "Onda başladıq" verilişinin informasiya dəstəkçisi "Ölkə.Az" saytıdır.

İntiqam VALEHOĞLU
Ölkə.Az

 

 

 

ŞƏRH YAZ
0
BAĞLA