Kim Çen İn Trampı Pxenyana dəvət etdi
Şimali Koreya lideri Kim Çen İn sabah Sinqapurda ABŞ prezidenti Donald Trampla görüşəcək.
“Ölkə.Az” xəbər verir ki, Kim Çen İn danışıqların ikinci məırhələsi üçün Trampı Şimali Koreyanın paytaxtına dəvət edib.
Pxenyana edilən dəvət Kimin köməkçisi Kim Yonq Çolun ABŞ prezidenti Donald Trampa verdiyi məktubda yer alıb. İki lider görüşlərin ikinci mərhələsi üçün iyul ayında Pxenyanda görüşə bilərlər.
Mətbuata açıqlama verən Şimali Koreya rəsmisi bildirib ki, Pxenyan görüşü dəqiqləşdikdən sonra sabah keçiriləcək sammitdə Şimali Koreyanın nüvə silahlarından təmizlənməsi mövzusunda irəli sürüləcək məqamlar ikinci görüşdə dəqiqliyə qovuşacaq. Ehtimal edilir ki, ikinci görüşdən sonra sentyabr ayında Vaşinqtonda üçüncü bir zirvə görüşü keçiriləcək.
Hikmət Həsənov
Ölkə.Az
