KORONAVİRUSA YOLUXANLARIN SAYI - CANLI STATİSTİKA

Kişi həyat yoldaşının qohumunun evindən külli miqdarda pul oğurladı — Bakıda

Kişi həyat yoldaşının qohumunun evindən külli miqdarda pul oğurladı
13:40
22.03.2020
1837
Hadisə
A
Paytaxtın Xəzər rayonu, Mərdəkan qəsəbəsində martın 20-də evlərdən birindən 63 min manat nağd pulun qeyri-aşkar şəraitdə oğurlanması ilə bağlı “102” xidməti - zəng mərkəzinə müraciət daxil olub.

Bakı şəhər BPİ Mətbuat Xidmətindən "Ölkə.Az"a verilən məlumata görə, Astara rayon sakini, 1986-cı il təvəllüdlü G.Həsənova kirayə yaşadığı evdən axşam saatlarında bibisi oğluna məxsus pulun naməlum şəraitdə oğurlanmasını bildirib.   

Daxil olan müraciət üzrə dərhal DİN Baş Cinayət-Axtarış İdarəsi, Bakı şəhər BPİ Cinayət-Axtarış İdarəsi, Xəzər RPİ Cinayət-Axtarış şöbəsi və 1-ci Polis Şöbəsi əməkdaşlarının “isti izlər”lə keçirdiyi təxirəsalınmaz əməliyyat-axtarış tədbirləri nəticəsində, oğurluq əməlində şübhəli bilinən qəsəbə sakini, əvvəllər Cinayət Məcəlləsinin 234-cü maddəsi ilə məhkum olunan, 1985-ci il təvəllüdlü E.Nəcəfov müəyyən olunaraq tutulub.  

İlkin arşadırmalarla məlum olub ki, evdən 63000 yox, 55500 manat pul oğurlanıb. Davam etdirilən intensiv əməliyyat-axtarış tədbirləri ilə oğurlanan vəsaitin tam həcmdə aşkarlanaraq, zərərçəkmişə qaytarılması təmin olunub. Oğurluqda şübhəli bilinən şəxs G.Həsənovanın həyat yoldaşıdır.  

Faktla bağlı, Xəzər RPİ İstintaq şöbəsində Cinayət Məcəlləsinin 177.3.2-ci maddəsi ilə cinayət işi başlayıb. Şübhəli şəxs ətrafında əməliyyat-axtarış, əməliyyat-istintaq tədbirləri davam etdirilir. 

Ölkə.Az

ŞƏRH YAZ
0

Bakıda məcburi köçkünlərin binasında yanğın baş verib

Bakıda məcburi köçkünlərin binasında yanğın baş verib
16:40
Bu gün
663
Hadisə
A
Bakı şəhərinin Nizami rayonunda məcburi köçkünlərin məskunlaşdıqları dördmərtəbəli yataqxana binasında yanğın baş verib.

“Ölkə.Az” Fövqəladə Hallar Nazirliyinə (FHN) istinadən xəbər verir ki, hadisə nəticəsində binanın birinci mərtəbəsində, ümumi sahəsi 40 kvadratmetr olan ikiotaqlı mənzildə ev əşyalarının bir hissəsi yanıb. Mənzil yanğından mühafizə olunub.

Yanğın yanğından mühafizə bölmələri tərəfindən söndürülüb.

ŞƏRH YAZ
0

Qusarda oğul anasını qətlə yetirib

Qusarda oğul anasını qətlə yetirib
12:15
Bu gün
1597
Hadisə
A
Qusar rayonu ərazisində qətl hadisəsi baş verib.

"Ölkə.Az" APA-ya istinadən xəbər verir ki, hadisə rayonun Xurel kəndində qeydə alınıb.  Kənd sakini, 1995-ci il təvəllüdlü Əhmədov Nail Hacıağa oğlu anası, 1971-ci il təvəllüdlü Əhmədova Raifə Aydəbəy qızını boğaz nahiyəsinə bıçaqla zərbə endirərək qətlə yetirib.   

Qətli törətdikdən sonra N.Əhmədov hadisə yerindən qaçıb. Onun saxlanılması istiqamətində əməliyyat-axtarış tədbirləri davam etdirilir. 

Faktla bağlı cinayət işi açılıb, istintaq əməliyyat tədbirləri aparılır. 

Ölkə.Az

ŞƏRH YAZ
0
BAĞLA