Koronavirus nədən yayılıb? - — 3 ehtimal

Koronavirus nədən yayılıb? -
02:01
29.01.2020
2224
Dünya
A
Bütün dünyanı təşvişdə saxlayan koronavirusun nədən qaynaqlanması ilə bağlı müxtəlif versiyalar səsləndirilir.

"Ölkə.Az" qafqazinfo-ya istinadən xəbər verir ki, ehtimallar daha çox yeni növ koronavirusun yarasa və ya ilandan insana yoluxması üzərindədir. Məsələ ilə bağlı hələlik rəsmi açıqlama olmasa da, virusun başladığı Uhan şəhərində, eləcə də Çinin əksər regionlarında dəniz məhsullarının satışı qadağan edilib.

Bəzi mütəxəssislərin fikrincə, virusun mənbəyi porsuq siçanları da ola bilər.

“Journal of Medical Virology”də yer alan araşdırmaların nəticələrinə görə, yeni virusun qaynağı yarasa göstərilsə də, insanlara yoluxmazdan əvvəl mutasiyaya uğrayıb. Virusa yoluxan xəstələrdən götürülən qan nümunələrindən alınan genetik kodlar müxtəlif növ heyvanlardan götürülmüş 217 koronavirusla qarşılaşdırılıb.

Mütəxəssislər 2019-nCoV-dəki protein kodlarının daha çox Çində rast gəlinən 2 ilan növündəki viruslarla uyğunluğunu müəyyən ediblər. İddialara görə, virus yarasadan ilana, ilandan isə insana yoluxub.

Yarasalar eyni zamanda henipaviruslarla quduzluğun yoluxmasına səbəb ola bilirlər.

Ümumdünya Səhiyyə Təşkilatının məlumatına görə, koronavirus yaxın təmas yolu ilə asanlıqla insandan insana keçə bilir. Virusa yoluxmuş adamla eyni məkanda yaşamaq, ona toxunmaq, mikroblarla kirlənmiş əşyalarına əl vurmaq, əllərlə ağız, burun və gözlərə toxunmaq, asqırma, öskürmə və danışma əsnasında havaya yayılan tüpürcəklər tənəffüs yolu ilə sağlam insanları da təhlükə altında qoya bilir.

Koronavirusun ilkin əlamətləri hərarət, öskürək, nəfəs almaqda çətinlik, ishal, qusmadır. Bəzi xəstələrdə hətta sətəlcəm və böyrək çatışmazlığı şəklində də özünü büruzə verib.

Ölkə.Az

ŞƏRH YAZ
0

Modellərin yekə qulaqları və ağızları qalmaqala səbəb olub — FOTOLAR

Modellərin yekə qulaqları və ağızları qalmaqala səbəb olub
02:57
Bu gün
273
Dünya
A
Moda Texnologiya institunun ABŞ-da keçirdiyi dəfilədə modellərin yekə qulaq və dodaqla podiuma çıxması mübahisəyə səbəb olub.

''Ölkə.Az'' xəbər verir ki, moda texnologiya institu Nyu-Yorkda tələbələrin dizayn etdiyi əlibasları və aksesuarları sərgiləyib. Modellər podiuma süni qalın qaşlarla, dodaqlarla və yekə qulaqlarla çıxıblar. Afrikalı tələbə isə həmin sərgini irqçilikdə günahlandıraraq podiuma çıxmaqdan imtina edib. Çox keçmədən institun direktoru bu haqda açıqlama verərək üzr istəyib:

''Biz sadəcə dizayn etdiyimiz böyük aksesuarların istifadə qaydasını göstərmək istədik. Niyyətimiz irqçilik etmək deyildi. Lakin fərqli mənzərənin şahidi olduq. Sərgiyə qatılanlardan, tələbələrdən modellərdən və podiumda gördüklərindən narahat olan hər kəsdən üzr istəyirəm''. 

Ölkə.Az
 

ŞƏRH YAZ
0

3 uşağını maşında yandırdı, daha sonra özünü bıçaqladı — Məşhur idmançının faciəvi ölümü

3 uşağını maşında yandırdı, daha sonra özünü bıçaqladı
01:59
Bu gün
293
Dünya
A
Əsəb sarsıntısı keçirən keçmiş reqbi oyunçusu Rovan Baxter həyat yoldaşı və üç uşağını yandırdıqdan sonra özünü bıçaqlayıb.

''Ölkə.Az'' xəbər verir ki, Yeni Zellandiyada keçmiş reqbi oyunçusu ailəsinin və özünün həyatına faciəvi şəkildə son verib. Brisbane şəhərində idmançı Baxter və ailəsi maşınla gedərkən o əsəb sarsıntısı keçirib və maşını yandırıb. Baxterin həyat yoldaşı Hanna yanan maşından çıxmağı bacarsa da 3 uşağı və əri yanaraq ölüb. Hadisə şahidlərinin dediyinə görə qadın maşından enərkən ''Kömək edin üstümüzə benzin tökür''- deyə bağırmağa başlayıb. Üstəlik idmançı maşında özünü bıçaqlayaraq intihar edib.

Belə ki, Baxter və Hanna bir il bundan əvvəl boşanıblar. Boşandıqdan sonra idmançı dərin depressiya keçirərək intihara meyilli olmağa başlayıb. Buna baxmayaraq Hanna uşaqların ataları ilə görüşməsinə icazə verirmiş. 3 uşağını və keçmiş həyat yoldaşını itirən ana isə hələlik bu haqda heç bir açıqlama verməyib.

Ölkə.Az

 

ŞƏRH YAZ
0
BAĞLA