Kürdəmirdə yol qəzası: 2 nəfər xəsarət aldı

Kürdəmirdə yol qəzası: 2 nəfər xəsarət aldı
20:28
22.03.2019
746
Hadisə
A
Kürdəmir rayonunda 2 nəfərin xəsarət alması ilə nəticələnən yol qəzası baş verib.

"Report"un Mərkəzi Aran bürosunun məlumatına görə, hadisə Bakı-Qazax avtomobil yolunun 212 km-də qeydə alınıb.

Belə ki, "VAZ-2106" və "VAZ-21099" markalı minik avtomobillərinin toqquşması nəticəsində rayonun Qarabucaq kənd sakinləri - 1990-cı il təvəllüdlü Vüqar Mahmud oğlu Mehdiyev və 2001-ci il təvəllüdlü Pünhan Şöhrət oğlu Allahverdiyev müxtəlif dərəcəli bədən xəsarətləri alıb.

Yaralılar Kürdəmir Rayon Mərkəzi Xəstəxanasının Travmatologiya şöbəsinə yerləşdiriliblər.

Faktla bağlı araşdırma aparılır.

Ölkə.Az

ŞƏRH YAZ
0

Azyaşlı uşağı hər gün zəncirlə bağlayıb evdə tək qoyurlar — Bakıda dəhşətli hadisə - FOTO

Azyaşlı uşağı hər gün zəncirlə bağlayıb evdə tək qoyurlar
15:30
Bu gün
349
Hadisə
A
Bakıda azyaşlı uşağa qarşı dəhşətli zorakılıq hadisəsi baş verib.

"Ölkə.Az" bildirir ki, anews.az saytına Nasimi Rayonu Cavadxan küçəsi bina 56-da azyaşlı uşağın ayaqlarının anası və xalası tərəfindən bir-birinə zəncirlənməsinə dair məlumat daxil olub. Daxil olan məlumata video və foto da əlavə edilib.

Zərərçəkənin azyaşlı olmasını nəzərə alaraq, onun səsinin və əlamətdərinin tam düşdüyü videonu sizə təqdim etməsək də, məsələ ilə əlaqədar bütün dövlət qurumlarına təqdim edə bilərik. Video da azyaşlı açıq şəkildə deyir ki, onun ayaqlarını bir-birinə xalası zəncirləyib və 2 gündür evdə ayaqı zəncirlənmiş formada saxlanılır. Anası və xalası isə hər səhər işə gedirlər, axşam saat 12-ə kimi işdə olurlar.

Onun sözlərinə görə, qapını da arxadan bağlayıblar və o ancaq evin içində ayaqı zəncirlənmiş formada hərəkət edə bilir. Hətta özünə yeməyi də o formada götürür.(anews.az)

Həmin fotonu sizə təqdim edirik:

ŞƏRH YAZ
0

Lerikdə meşədəki yanğın evlərə yaxınlaşır — FOTO/VİDEO

Lerikdə meşədəki yanğın evlərə yaxınlaşır
13:43
Bu gün
1007
Hadisə
A
Lerik və Lənkəran rayonlarının meşə ərazisində baş verən yanğın davam edir.

"Ölkə.Az" oxu.az-a istinadən xəbər verir ki, meşəlik ərazidən başlayan yanğın Lerikin Piran kəndində yaşayış evlərinə yaxınlaşır.

Hazırda əraziyə Fövqəladə Hallar Nazirliyinin (FHN) Aviasiya Dəstəsinin "BE 200 ÇS" amfibiya təyyarəsi cəlb olunub.

Küləkli hava yanğının söndürülməsi işində çətinlik yaradır.

Qeyd edək ki, avqustun 20-si saat 14:00-da Fövqəladə Hallar Nazirliyinin "112" qaynar telefon xəttinə Hirkan Milli Parkının Lənkəran rayonunun Təngivan kəndi yaxınlığında dağlıq ərazidə yanğın olması barədə məlumat daxil olub. Mürəkkəb relyefli dağlıq ərazidə quru ot, kol-kos və seyrək ağaclıq yanır.

Yanğının söndürülməsinə FHN-in Aviasiya dəstəsinin təyyarə və helikopterləri ilə yanaşı, Dövlət Yanğından Mühafizə Xidmətinin yanğın bölmələri, Mülki Müdafiə Qoşunlarının və Cənub Regional Mərkəzinin şəxsi heyəti, Ekologiya və Təbii Sərvətlər Nazirliyinin Meşə təsərrüfatı idarəsinin əməkdaşları və yerli sakinlər cəlb ediliblər.

Ölkə.Az

ŞƏRH YAZ
0
BAĞLA