Mafiya sıralarını tərk edib kitab yazdı, təqdimatda öldürüldü

Mafiya sıralarını tərk edib kitab yazdı, təqdimatda öldürüldü
19:31
21.11.2018
4490
Dünya
A
Danimarkanın paytaxtı Kopenhagen şəhərində “Los Guerreros” qruplaşmasının keçmiş lideri Nedim Yaşar öldürülüb.

“Ölkə.Az” xəbər verir ki, bu barədə Kopenhagen polisi açıqlama verib. Açıqlamaya əsasən, dünən axşam saatlarında şəhərin Nörrebro səmtindəki bir küçədə Yaşara 2 dəfə atəş açan şəxs hadisə yerindən qaçıb. Ağır yaralı xəstəxanaya çatdırılsa da, onu xilas etmək mümkün olmayıb.

Nedim Yaşar bir müddət əvvəl təhdid edildiyini bildirmişdi, ötən il də hücuma məruz qalmışdı. Yaşar yerli bir radioda “Polis radiosu” adlı proqram hazırlayırdı. Bundan başqa onun mafiyaya aid kitabı da çapdan çıxmışdı. Yaşar isə kitabın təqdimatından çıxanda güllələnib.

Hikmət Həsənov
Ölkə.Az

ŞƏRH YAZ
0

Trampdan gözlənilməz çağırış — “İŞİD yaraqlılarını geri götürün”

Trampdan gözlənilməz çağırış
11:32
Bu gün
158
Dünya
A
ABŞ prezidenti Donald Tramp Suriyada yaxalanan İŞİD döyüşçüləri ilə bağlı açıqlama verib.

“Ölkə.Az” xəbər verir ki, Tramp Avropa İttifaqını terrorçuları "geri götürməy"ə və məhkəmə qarşısına çıxartmağa çağırıb.

"İngiltərə, Fransa, Almaniya və Avropadan olan digər müttəfiqlərindən Suriyada yaxaladığımız 800-dən çox İŞİD yaraqlısını geri götürməyi və onların məhkəmə qarşısına çıxarılmasını istəyirik. Heç də xoş olmayan alternativ variant isə terrorçuları sərbəst buraxmaqdır", - deyə Tramp qeyd edib.

O əlavə edib ki, “Çox iş gördük, çox pul xərclədik. Artıq başqalarının da bacardıqları işləri etmək vaxtıdır”.

Ölkə.Az

ŞƏRH YAZ
0

ABŞ-da naməlum şəxs insanları girov götürüb — 4 ölü

ABŞ-da naməlum şəxs insanları girov götürüb
10:21
Bu gün
1111
Dünya
A
ABŞ-ın Missisipi ştatında silahlı insident baş verib.

“Ölkə.Az” xəbər verir ki, bu barədə “Fox8” telekanalı məlumat yayıb.

Xəbərə əsasən, hadisə Klinton şəhərində qeydə alınıb. Naməlum şəxs yaşayış evində insanları 12 saat girov saxlayıb.

Yerli hakimiyyət nümayəndəsi, girov saxlanılanların bir ailənin üzvləri olduğunu ancaq onların sayının dəqiq bilinmədiyini açıqlayıb. Polis əməliyyatın bitməsinə bir neçə saat qalmış uşaqları azad edib. İnsident nəticəsində 4 nəfər ölüb.

Şübhəli şəxsin saxlanıldığı bildirilib. Hazırda hadisənin başvermə səbəbləri araşdırılır.

Ölkə.Az

ŞƏRH YAZ
0
BAĞLA