Mahirin dublu qələbəyə kifayət etmədi
“Qarabağ” klubu Avstriyada təlim-məşq toplanışında sonuncu yoxlama oyununu keçirib.
“Ölkə.Az” xəbər verir ki, Ağdam təmsilçisi Çexiyanın "Viktoriya" (Plzen) komandası ilə qarşılaşıb.
Oyunun gedişində “Qarabağ” Mahir Əmrəlinin vurduğu 2 qol sayəsində 2:0 önə keçsə də, bu üstünlüyünü sona qədər qoruya bilməyib. “Viktoriya” iki dəqiqəyə vurduğu iki qolla hesabı bərabərləşdirib. Beləliklə, oyun 2:2 hesabı ilə başa çatıb.
Qeyd edək ki, “Qarabağ” digər yoxlama oyunlarında “Ludoqorets”ə (Bolqarıstan) uduzub (0:2), “Krayova” (Rumıniya) ilə qolsuz bərabərə qalıb, “Ufa”ya (Rusiya) isə qalib gəlib (2:1).
Ölkə.Az