Mədəndə kişi paltarında işləyən qadın zorlamada ittiham edildi
"Ölkə.Az" xəbər verir ki, hadisə Tanzaniyada baş verib. O, ferması, 6 arvadı, 38 övladı olan bir fermerin qızı idi. Amma uşaqlığı ilə bağlı xoş xatirələri yoxdur:
"Atam mənimlə oğlan kimi davranırdı. Heyvanlara baxmağımı istəyirdi".
Pili ailə qursa da, 31 yaşında ərini tərk edib. İş axtararkən Klimancaronun ətəyindəki Mererani qəsəbəsinə gəlib. Dünyada nadir tapılan mavi rəngli tanzanit daşı burada çıxarılır. Ali təhsil almayan Pilinin başqa seçimi olmayıb. Qadınlara mədəndə işləmək qadağan edildiyi üçün kişi paltarı geyinən Pili işə başlayıb. Adını da dəyişdirib. Fəhlələr ona Huseyn əmi deyə müraciət ediblər.
Mədəndə 600 metr dərinliyə enən Pili gündə 12 saat işləyib. Dava edir, söyüş söyür, yanında bıçaq gəzdirirmiş.
Bir il sonra iki böyük tanzanit daşı tapır. Bununla da onun həyatı dəyişir. Əldə etdiyi pul ilə özünə anasına və atasına, ekiz qardaşlarına ev tikdirib. Özünə isə texnika alaraq yenidən bu işə soyunur.
Bölgədə yaşayan bir qadın mədəndə işləyən fəhlələrin biri tərəfindən zorlandığını iddia edərək polisə şikayət edir. Pili saxlanılır. Qadın polisdə Pilinin üzünə duraraq zorlandığını iddia edir. Pili isə artıq sirrini açmaq qərarına gəlir. Qadın polis tərəfindən baxış keçirildikdən sonra Pili sərbəst buraxılır. Amma iş yoldaşları buna inanmayıblar. 2001-ci ildə Pili ailə qurana qədər fəhlələr onun qadın olduğuna inanmayıblar.
Uğurlu karyera quran Pili bu gün 70 nəfərin işlədiyi bir mədən şirkətinin sahibidir. 70 nəfərdən 3-ü qadındır və onlar da mətbəxdə işləyirlər.
Hikmət
Ölkə.Az
