Mədəniyyət evlərində kadr dəyişiklikləri edildi

Mədəniyyət evlərində kadr dəyişiklikləri edildi
11:05
04.10.2017
113
Mədəniyyət
A

Bakı Şəhər Mədəniyyət və Turizm Baş İdarəsinin müvafiq əmrinə əsasən, bir neçə mədəniyyət evlərinin rəhbərliyində yerdəyişmələr olub.

İdarədən "Ölkə.Az"a verilən məlumata görə, H.Abbasov adına Mədəniyyət Evinin direktoru Vüqar Elşad oğlu Ağayev işdən azad olunaraq, M.Ə.Sabir adına Balaxanı Qəsəbə Mədəniyyət Evinə, M.Ə.Sabir adına Balaxanı Qəsəbə Mədəniyyət Evinin direktoru Fazil Mütəllim oğlu Vəliyev isə M.Ə.Sabir adına Bülbülə Qəsəbə Mədəniyyət Evinə direktor vəzifələrinə təyin olunublar.

İdarənin digər əmrinə əsasən, M.Ə.Sabir adına Bülbülə Qəsəbə Mədəniyyət Evinin direktoru Cavid Sahib oğlu Məlikov tutduğu vəzifədən azad olunaraq, Mədəni tədbirlərin təşkili və yaradıcı gənclərlə iş üzrə mərkəzin direktor müavini vəzifəsinə təyin edilib.

ŞƏRH YAZ
0

Azərbaycanlı rəssam vəfat etdi

Azərbaycanlı rəssam vəfat etdi
20:15
11.12.2017
216
Mədəniyyət
A
Almaniyada yaşayan azərbaycanlı rəssam Gündüz Əlizadə vəfat edib.

Ölkə.Az "qafqazinfo"-ya istinadən xəbər verir ki, dostlarının sosial şəbəkə hesabında yazdığına görə, rəssam dekabrın 9-da uzun sürən xəstəlikdən dünyasını dəyişib.

Qeyd edək ki, G. Əlizadə "Kirpi" və  "Gənclik" jurnallarında, müxtəlif qəzetlərdə karikaturaları ilə tanınırdı. Uzun zamandır Almaniyanın Tier şəhərində yaşayan rəssamın Berlində "20 Yanvar" hadisələrinə, vətənə həsr olunmuş sərgiləri nümayiş olunub.

ŞƏRH YAZ
0

Rəsulzadənin 50-yə yaxın məktubu kitab oldu

Rəsulzadənin 50-yə yaxın məktubu kitab oldu
17:00
11.12.2017
213
Mədəniyyət
A
M.Ə. Rəsulzadənin "Məktublar. Şəfibəyçilik” kitabı işıq üzü görüb.

"Ölkə.Az" xəbər verir ki, oxuculara təqdim olunan bu kitabda Azərbaycan Xalq Cümhuriyyətinin banisi olan M.Ə. Rəsulzadənin 50-yə yaxın məktubu, eləcə də onun 1934-cü ildə İstanbulda işıq üzü görmüş "Şəfibəyçilik” əsəri ilk dəfə olaraq latın qrafikası ilə Azərbaycan dilində nəşr edilir. 

Həmin məktubların əksər hissəsi 1988-ci ildə diplomat və mühacirət tarixinin görkəmli tədqiqatçısı Ramiz Abutalıbov tərəfindən Parisdə aşkarlanaraq, Azərbaycana gətirilib. Kitabın ikinci hissəsini təşkil edən  "Şəfibəyçilik” əsəri isə ötən əsrin 20-30-cu illərində həm Azərbaycan siyasi mühacirəti, həm də "Müsavat” partiyası daxilində cərəyan edən prosesləri anlamaq baxımından çox qiymətli tarixi mənbədir.

Kitab Klubu tərəfindən nəşr edilmiş toplunun  tərtibçisi, ön sözün və izahların müəllifi tarix elmləri doktoru Aydın Balayevdir. 

Kitab Azərbaycan Xalq Cümhuriyyətinin 100 illiyi münasibətilə Moskvada fəaliyyət göstərən "Məmməd Əmin Rəsulzadə Məclisi” cəmiyyətinin dəstəyilə nəşr olunub.
 

ŞƏRH YAZ
0
BAĞLA