Məhkəmə Beynəlxalq Bankın müraciətinə müsbət cavab verdi — Restrukturizasiya planı təsdiqləndi

Məhkəmə Beynəlxalq Bankın müraciətinə müsbət cavab verdi
17:47
17.08.2017
112
İqtisadiyyat
A
Bakı şəhər, Nəsimi rayon məhkəməsinin 17 avqust 2017-ci il tarixində keçirilmiş iclasında Azərbaycan Beynəlxalq Bankının (ABB) müvafiq müraciətinə baxılaraq, bankın xarici kreditorlar qarşısındakı öhdəliklərinin könüllü Restrukturizasiya Planının təsdiqlənməsinə dair qətnamə qəbul edilib.

Bu barədə "Ölkə.Az"a ABB-dən məlumat verilib.
 
“Məlum olduğu kimi, 18 iyul 2017-ci il tarixində Azərbaycan Beynəlxalq Bankının Kreditorlarının yığıncağı keçirilib və səsvermənin nəticələrinə əsasən, bankın restrukturizasiya olunan öhdəliklərinin 93.9%-ə malik kreditorlar planın lehinə səs verib, plan “Banklar haqqında” Azərbaycan Respublikası Qanununa uyğun olaraq, Maliyyə Bazarlarına Nəzarət Palatası tərəfindən baxılıb”, - deyə məlumatda vurğulanılb.
 
Xatırladaq ki, plana səs vermiş kreditorlar öhdəliklərlə bağlı Banka qarşı hər hansı tələblərinin qalmaması barədə müvafiq sənədi 22 avqust 2017-ci il tarixinə qədər təqdim etməlidirlər. Həmin sənədi təqdim etmiş kreditorlar təklif edilən maliyyə alətlərini 1 sentyabr 2017-ci il tarixindən əldə etmək hüququna malik olacaqlar.   

ŞƏRH YAZ
0

Azərbaycan neftinin qiymətləri müxtəlif istiqamətlərdə dəyişib

Azərbaycan neftinin qiymətləri müxtəlif istiqamətlərdə dəyişib
23:23
21.08.2018
309
İqtisadiyyat
A
CIF bazisi üzrə İtaliyanın Auqusta limanı şərtləri ilə Azərbaycanın yüngül neftinin avqustun 20-də 73,43 dollar/barel təşkil edib ki, bu da ötən həftənin cümə gününə olan göstəricidən 0,02 dollar/barel azdır.

"Ölkə.Az" xəbər verir ki, bu barədə Trend-ə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti avqustun 20-də 72,67 dollar/barel təşkil edib ki, bu da əvvəlki qiymətə bərabərdir.

Novorossiysk limanından yüklənən URALS neftinin qiyməti avqustun 20-də 69,47 dollar/barel təşkil edib ki, əvvəlki qiymətdən 0,29 dollar/barel çoxdur.

Şimal dənizindən hasil edilən "Brent Dated" etalon növlü neftin qiyməti isə avqustun 20-də 70,83 dollar/barel təşkil edib. Bu, əvvəlki qiymətdən 0,2 dollar/barel çoxdur.

Ölkə.Az

ŞƏRH YAZ
0

Dolların 3 günə olan məzənnəsi

Dolların 3 günə olan məzənnəsi
17:50
21.08.2018
754
İqtisadiyyat
A
Avqustun 24-nə manatın məzənnəsi açıqlanıb.

Mərkəzi Bankdan "Ölkə.Az"a verilən məlumata görə, 24.08.2018-ci il tarixindən etibarən rəsmi məzənnə 1 ABŞ dollarına nisbətdə 1,7000 manat səviyyəsində müəyyən olunub.

ŞƏRH YAZ
0
BAĞLA