Hava xəbərdarlıqları ilə bağlı mobil tətbiqin istifadəyə veriləcəyi vaxt açıqlandı
"Meteo.az mobil tətbiqi vasitəsilə təhlükəli atmosfer hadisələri ilə bağlı məlumatlar ötürüləcək".
Ölkə.Az xəbər verir ki, bunu Milli Hidrometeorologiya Xidmətinin rəis müavini Gülnarə Abbasova bu gün keçirilən mətbuat konfransında bildirib.
"Bu tətbiq vasitəsilə hava keyfiyyəti ilə bağlı məlumatların da ötürülməsi nəzərdə tutulur. Regionlarda yaşayan hər kəs mobil tətbiq vasitəsilə yaşadıqları ərazidə baş verə biləcək hidrometereoloji hadisələr, eyni zamanda ərazidə olan hava keyfiyyəti ilə bağlı öncədən məlumat ala biləcəklər.
Mobil tətbiq ilin ortalarından istifadəyə veriləcək".
Billurə Yunus
