Milli Məclisin növbəti iclasında bu məsələlər müzakirə ediləcək

Bu barədə “Ölkə.Az”a açıqlamasında Milli Məclisin mətbuat xidmətinin rəhbəri Akif Təvəkküloğlu deyib.

Onun sözlərinə görə, parlamentin yaz sessiyasının sonuncu iclasları  mayın 30-da və 31-də keçiriləcək. İki gün davam edəcək iclasın gündəliyinə ümumilikdə  26 məsələ daxil edilib.

 Müzakirə ediləcək məsələlər sırasına “2018-ci il büdcəsinin icrası haqqında” qanun layihəsi,  “Kredit İttifaqları haqqında”, “Azərbaycan Respublikasının Milli Məclisinin daxili Nizamnaməsinin təsdiq edilməsi haqqında”,  Milli Məclisin komitələri haqqında, “Dövlət rüsumu haqqında”,“Büdcə sistemi haqqında”, “Bələdiyyələrin fəaliyyətinə inzibati nəzarət haqqında”, “Banklar haqqında”, “Mühasibat uçotu haqqında”, “Azərbaycan Respublikasının Mərkəzi Bankı haqqında”, “Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” , “Sahibkarlıq sahəsində aparılan yoxlamaların dayandırılması haqqında” ,  Hesablama Platasının qərarlarının pozulması ilə bağlı Vergi Məcəlləsinə, İnzibati Xətalar, Vergi Məcəlləsinə dəyişikliklər və digər məsələlər daxildir.

Mürtəza
Ölkə.Az