Mingəçevirdə yol qəzası: Yaralılar var

Mingəçevirdə yol qəzası: Yaralılar var
20:52
21.08.2017
229
Hadisə
A
Mingəçevir şəhərində yol-nəqliyyat hadisəsi baş verib.

Ölkə.Az report.az-a istinadən bildirir ki, "Toyota Prado" və "Kia" markalı minik avtomobilləri toqquşub. Nəticədə 4 nəfər müxtəlif dərəcəli bədən xəsarətləri alıb. Onlardan ikisinin vəziyyəti ağırdır. Ağır vəziyyətdə olan yaralılar -  Yevlax rayon sakinləri, 1997-ci il təvəllüdlü Şəmsi Qabil oğlu Aslanov və 1997-ci il təvəllüdlü Telman Natiq oğlu Əsgərov Mingəçevir Şəhər Mərkəzi Xəstəxanasına çatdırılıblar. Digər iki yaralıya isə ilkin tibbi yardım göstərilib. 

Faktla bağlı araşdırma aparılır.

ŞƏRH YAZ
0

Avtobusda telefonu oğurlanan şəxs polisə müraciət etdi

Avtobusda telefonu oğurlanan şəxs polisə müraciət etdi
12:05
Bu gün
644
Hadisə
A
Hadisə Xətai rayonu ərazisində qeydə alınıb.

“Ölkə.Az”ın məlumatına görə, Mircabbar Abdullayev Xətai RPİ-nə şikayət edərək bildirib ki, 49 saylı marşrut avtobusunda mobil telefonu oğurlanıb. Belə ki, Abdullayev avtobusa minən zaman telefonla danışıb sonra isə telefonu cibinə qoyub. Ancaq mənzil başına çatıb avtobusdan düşəndə 700 manat dəyərində telefonunun oğurlandığını görüb. 

Faktla əlaqədar Xətai RPİ-də cinayət məcəlləsinin oğurluq maddəsi ilə cinayət işi başlanıb.

ŞƏRH YAZ
0

Bakıda təcili yardım həkimi müğənniyə hücum etdi — FOTO / VİDEO

Bakıda təcili yardım həkimi müğənniyə hücum etdi
11:41
Bu gün
1375
Hadisə
A
Müğənni Laləm Məmmədova təcili tibbi yardım həkiminin hücumuna məruz qalıb.

"Ölkə.Az" xəbər verir ki, o, bu barədə özü məlumat verib.

İfaçı bildirib ki, səhhəti pisləşdiyi üçün təcili yardım çağırıb. 

Müğənninin evinə gələn həkimlər binanın giriş qapısını aça bilmədiyi üçün əsəbiləşiblər:

“Binanın giriş qapısındakı kodu onlara dedim. Lakin aça bilmirdilər. Buna görə əsəbiləşmişdilər. Kişi həkim üstümə hücum etdi, əlindəki çantasını üstümə atdı.

Məni döymək istəyirdi. Tibb bacısı isə ona mane olmağa çalışırdı. İnanıram ki, Səhiyyə Nazirliyi bu həkim barədə tədbir görəcək”.

ŞƏRH YAZ
0
BAĞLA