Murad Mirzəyev adına kikboks klubu açılır

Murad Mirzəyev adına kikboks klubu açılır
15:20
21.04.2017
89
Ölkə
A
Atalarımızın yaxşı deyimi var: “Torpaq, əgər uğrunda ölən varsa, vətəndir”. Bu sözlər min illərdir ki, daşlaşıb, ululaşıb və bu günə qədər gəlib. Xalqımız vətən uğrunda ölən şəhidlərimizin xatirəsini hörmət və izzətlə yad edir.

"Ölkə.Az"-ın məlumatına görə, bugün sosial şəbəkələrdə Azərbaycan Milli Qəhrəmanı Murad Mirzəyevin adına kikboksinq idman klubunun açılacağı xəbəri yayılıb.

Belə ki, Ümumrusiya Azərbaycan Konqresinin Saxalin vilayəti üzrə regional bölməsinin sədri Nazir Hətəmovun təşəbbüsü və Azərbaycan Kikboksinq Federasiyasının prezidenti, millət vəkili Adil Əliyevin dəstəyi ilə aprel hadisələri zamanı şəhid olan Azərbaycanın Milli Qəhrəmanı, polkovnik-leytenant Murad Mirzəyevin adına kikboksinq klubu açılır.

Bu barədə məlumat verən Ümumrusiya Azərbaycan Konqresinin Saxalin vilayəti üzrə regional bölməsinin sədri Nazir Hətəmov şəhidlərimizin hər zaman qəlbimizdə olduğunu qeyd edib.

“Onlar torpaqlarımızın azadlığı və bütövlüyü uğrunda canlarından keçdilər. Bu gün və gələcəkdə də bizim əsas borcumuz onların xatirəsini daima yaşatmaqdır. Gələcək nəsillər qəhrəman oğullarımızla qürur duymalıdırlar.

Yaddan çıxartmamalıyıq ki, Murad Mirzəyev kimi qəhrəmanlarımızın şücaiəti sayəsində torpaqlarımızın bir az qismi azad olundu. Bununla işğalçı ölkə anladı ki, Azərbaycan xalqı heç vaxt torpaqlarımızın işğal altında qalması ilə razılaşmayacaq”,-deyə N.Hətəmov bildirib.

Elnur Eltürk
Ölkə.Az

ŞƏRH YAZ
0

Vasif Talıbov xidmət rəisini vəzifədən kənarlaşdırdı

Vasif Talıbov xidmət rəisini vəzifədən kənarlaşdırdı
23:00
25.05.2018
9045
Ölkə
A
Naxçıvan Muxtar Respublikası Dövlət Baytarlıq Xidmətinin rəisi vəzifəsindən azad edilib.

"Ölkə.Az" xəbər verir ki, bununla bağlı bu gün Naxçıvan Muxtar Respublikası Ali Məclisinin sədri Vasif Talıbov  müvafiq sərəncam imzalayıb.

Sərəncama əsasən Əbil Əbilov Naxçıvan Muxtar Respublikası Dövlət Baytarlıq Xidmətinin rəisi vəzifəsindən azad edilib.

Ölkə.Az

ŞƏRH YAZ
0

Konstitusiya Məhkəməsi Ali Məhkəmənin qərarını ləğv edib

Konstitusiya Məhkəməsi Ali Məhkəmənin qərarını ləğv edib
22:33
25.05.2018
6134
Ölkə
A
Fərhad Abdullayevin sədrliyi ilə Azərbaycan Respublikası Konstitusiya Məhkəməsi Plenumunun xüsusi konstitusiya icraatı üzrə növbəti açıq məhkəmə iclası keçirilib.

"Ölkə.Az" "Report"a istinadən xəbər verir ki, iclasda Z.Nəsirovanın şikayəti üzrə Azərbaycan Respublikası Ali Məhkəməsinin Mülki Kollegiyasının 2017-ci il 7 avqust tarixli qərarının Azərbaycan Respublikasının Konstitusiyasına və qanunlarına uyğunluğunun yoxlanılmasına dair konstitusiya işinə baxılıb.

Konstitusiya Məhkəməsinin Plenumu iş üzrə hakim İ.Nəcəfovun məruzəsini, ərizəçinin vəkilinin çıxışını və ekspertin rəyini dinləyib, işin materiallarını araşdırıb müzakirə edərək qərar qəbul edib.

Qərarda deyilir ki, iddiaçılar Mübariz Abasəliyev və qeyrilərinin cavabdeh Nəsirova Zülfirə Abbas qızına qarşı evin cavabdehə düşən pay hissəsində istifadə hüququnun tanınması və həmin hüquqların daşınmaz əmlakın dövlət reyestrində qeydə alınması tələbinə dair mülki iş üzrə Azərbaycan Respublikası Ali Məhkəməsinin Mülki Kollegiyasının 2017-ci il 7 avqust tarixli qərarı Azərbaycan Respublikası Konstitusiyasının 29-cu və 60-cı maddələrinə, Azərbaycan Respublikası Mülki Prosessual Məcəlləsinin 416-cı, 418.1-ci və 418.3-cü maddələrinə uyğun olmadığından qüvvədən düşmüş hesab edilsin. İşə bu qərara uyğun olaraq Azərbaycan Respublikasının mülki prosessual qanunvericiliyi ilə müəyyən edilmiş qaydada və müddətdə yenidən baxılsın.

Qərar dərc edildiyi gündən qüvvəyə minir, qətidir, heç bir orqan və ya şəxs tərəfindən ləğv oluna, dəyişdirilə, yaxud rəsmi təfsir edilə bilməz.

Ölkə.Az

ŞƏRH YAZ
0
BAĞLA