Müxbirin çəkdiyi foto sonu oldu
“Ölkə.Az” xəbər verir ki, belə fotolar bəşəriyyət tarixinin başına gələnləri qısa və açıq bir şəkildə izah edir.
1993-cü ildə Sudanda çəkilən bu fotonun müəllifi Kevin Karter sonradan intihar edib. Fotoqraf quzğunu qorxutmamaq üçün 10 metrəyə qədər yaxınlaşır və düyməni basır. O, kənarda uşağın ölməyini gözləyən və onu parçalamağa hazırlaşan quzğunun fotosunu çəkmək istəyirdi. Foto alındı və nüfuzlu qəzetlər fotonu dərc etdilər. Amma bir çox insan körpənin taleyi ilə maraqlandığı üçün qəzetlərlə əlaqə saxladı. 1 il sonra isə dünyanın ən prestijli mükafatı “Pultizer” Karterə verildi. Amma fotoqraf mübahisələrə səbəb olub. Uşağın aqibəti bilinmirdi. Karter fotonu çəkib hadisə yerini tərk etmişdi:
“Tibbi personal deyildim. Yoluxucu xəstəliklərə görə heç kəsə doxunmamalı idik. Bu barədə xəbərdarlıq edilmişdi”.
Bununla belə, cəmiyyət onu vəhşi fotoqraf adlandırdı və Karterin ruhi tarazlığı pozuldu. Bir müddət sonra o, intihar etdi.
Hikmət Həsənov
Ölkə.Az
