Nəhəng şirkətlərdən Trampa zərbə

"Ölkə.Az" xəbər verir ki, Trampın açıqlaması heç kəsin ürəyincə olmamışdı və ölkə daxilindəki gərgin münasibətləri yeni bir mərhələyə daşımışdı. Bu açıqlamadan sonra Trampın əhəmiyyət verdiyi iş adamları ona arxalarını çeviriblər.

Yaxın keçmişdə iş adamı olan və hər açıqlamasında "ABŞ iqtisadiyyatını inkişaf etdirmək" üçün planlar qurduğunu söyləyən Trampa zərbəni nəhəng şirkətlər vurdu.

Trampın Amerikan İstehsalçılar Şurasından üç önəmli şəxs istefa edib. Prezidentin iqtisadi müşavirliyini həyata keçirən qurumdan "Merck" şirkətinin direktoru Kennet Freyzer ayrılıb. Freyzerdən sonra "Under Armour" adlı məşhur idman markasının da baş direktoru Kevin Plank da şuradan ayrıldığını bəyan edib.

Sonra isə "İntel" şirkətinin baş direktoru Brayan Krzaniç də şuradan ayrılmaq barədə qərar qəbul edib.

Qeyd edək ki, ötən aylarda "Tesla"nın qurucusu İlon Mask da bu şuradan ayrılmışdı.

Hikmət Həsənov
Ölkə.Az