Niderland Türkiyədən üzr istədi — VİDEO

Niderland Türkiyədən üzr istədi
23:44
14.03.2017
148
Siyasət
A
“Bizim məqsədimiz nə Nidellandla, nə də Avropa ilə əlaqələrimizi kəsmək deyil. Biz hüquqlarımızı qoruyuruq. Bizə təhqir ünvanlanarsa, biz də bunun altında qlamarıq”.

“Ölkə.Az” xəbər verir ki, Türkiyənin baş naziri Binəli Yıldırım qatıldığı bir televiziya proqramında deyib. Onun sözlərinə görə, Niderland Türkiyədən rəsmi şəkildə yazılı üzr istəməyənə qədər onlarla heç bir əlaqə qurulmayacaq.

Baş nazir Binəli Yıldırım Niderlandın baş naziri Mark Rutte Türkiyənin Rotterdamdakı baş konsulu və məsləhətgüzarın saxlanılmasına görə şifahi şəkildə üzr istəyib. Bundan başqa, o, iki dövlətin əlaqələrini müzakirə etmək üçün danışıqlara dəvət edib.

Binəli Yıldırım bununla belə Avropada Türkiyəyə qarşı qərəzli münasibətlər olduğunu gizlətməyib. Onun fikrincə, Avropada PKK, FETÖ kimi terror təşkilatlarına dəstək verməklə, Türkiyənin təhlükəsizliyinə təhdidlər yaranır. Baş nazir deyib ki, Türkiyə də, məhz bu məsələdə mübarizəsinə davam etdirəcək.

Qeyd edək ki, martın 11-də Niderland Türkiyənin XİN rəhbəri Mövlud Çavuşoğlunun təyyarəsinə uçuş icazəsini ləğv edib. Hollandiya hökuməti Türkiyənin xarici işlər naziri Mövlud Çavuşoğlunun təyyarəsinin enişinə icazəni ləğv etdikdən sonra Niderlandın Ankaradakı müvəqqəti işlər müvəkkili Türkiyə Xarici İşlər Nazirliyinə çağırılıb. Diplomata etiraz bəyanatı təqdim edilib. Bundan sonra, Türkiyə xarici işlər naziri Mövlud Çavuşoğlu Niderland hömumətinin ünvanına sərt bəyanatlar verib.

Bundan sonra Türkiyə hökuməti Niderlanda qarşı 4 sanksiya tətbiq edib. Türkiyənin Hollandiyaya tətbiq etdiyi sanksiyalar bunlardır:

1. Məzuniyyətdə olan Hollandiya səfirinin Türkiyənin bildirdiyi məsələlər həll edilməyənə qədər Ankaraya qayıtmağına qadağa qoyulsun;

2. Hollandiya etdiyi hərəkətlərini bərpa edənə qədər yüksək səviyyəli münasibətlər təxirə salınsın;

3. Rəsmi səfərlər üçün Türkiyəyə gələn diplomatların uçuşuna qadağa qoyulsun. Məsələ həll edilənə qədər diplomatik uçuşlara icazə verilməyəcək;

4. Türkiyə Böyük Millət Məclisi ilə Hollandiya parlamenti arasındakı dostluq qrupunun Türkiyə bölümünün ləğv edilməsi Milli Məclisə tövsiyyə edilsin.

Ziya Səccad
Ölkə.Az

 

 

ŞƏRH YAZ
0

Prezident Administrasiyasında struktur dəyişiklikləri

Prezident Administrasiyasında struktur dəyişiklikləri
15:57
Bu gün
163
Siyasət
A
Prezidentin Administrasiyasının strukturundakı dəyişikliklər açıqlanıb.

Azərbaycan prezidenti İlham Əliyev 30 may 2017-ci ildə “Azərbaycan Respublikası Prezidentinin Administrasiyasının strukturunun təsdiqi və işçilərinin say həddinin müəyyən edilməsi haqqında” sərəncam imzalayıb.

"Ölkə.Az" APA-ya istinadən xəbər verir ki, Prezidentin Administrasiyasının strukturu yenidən təşkil edilib, işçilərin say həddi 410 ştat vahidi müəyyən edilib. O cümlədən Prezidentin Millətlərarası münasibətlər, multikulturalizm və dini məsələlər üzrə köməkçisinin xidməti yaradılıb.

Azərbaycan prezidenti İlham Əliyevin 9 yanvar 2018-ci il tarixli sərəncamı ilə Prezidentin Millətlərarası münasibətlər, multikulturalizm və dini məsələlər üzrə köməkçisinin xidməti ləğv edilib, Millətlərarası münasibətlər, multikulturalizm və dini məsələlər şöbəsi yaradılıb.

Millətlərarası münasibətlər, multikulturalizm və dini məsələlər şöbəsinin ştat vahidi 1 şöbə müdiri olmaqla, 6 ştat vahidi təsdiqlənib.

Dövlət qulluğu və kadr məsələləri şöbəsində Şəxsi işlərin aparılması sektorunda ştat vahidi isə artırılaraq, 2 ştat vahidindən 4 ştat vahidinə qaldırılıb. Beləliklə, Prezident Administrasiyasının işçilərinin say həddi 410 ştat vahidindən 412 ştat vahidinə qalxıb. 

Qeyd edək ki, Etibar Nəcəfov bir müddət əvvəl Prezident Administrasiyasının Millətlərarası münasibətlər, multikulturalizm və dini məsələlər şöbəsinin müdiri təyin edilib.

ŞƏRH YAZ
0

İlham Əliyev Davosda neftlə bağlı sessiyaya qatıldı

İlham Əliyev Davosda neftlə bağlı sessiyaya qatıldı
15:52
Bu gün
83
Siyasət
A
Yanvarın 24-də Davosda Dünya İqtisadi Forumu çərçivəsində “Neft və qaz sənayesi siyasəti üzrə liderlərin toplantısı” adlı sessiya keçirilib.

"Ölkə.Az" xəbər verir ki, Azərbaycan Respublikasının Prezidenti İlham Əliyev sessiyada iştirak edib. 

Dövlət və hökumət başçıları ilə yanaşı, dünyanın aparıcı enerji şirkətlərinin rəhbərlərinin, mütəxəssislərin və alimlərin də qatıldığı sessiyada neft və qaz sənayesinin perspektivləri barədə fikir mübadiləsi aparılıb.

ŞƏRH YAZ
0
BAĞLA