Paris terrorçusunun fotosu yayımlandı
"Ölkə.Az" xəbər verir ki, İŞİD terrorçunun Yusuf əl-Balciki olduğunu açıqlayıb.
Parisdə polisə hücum edən terrorçu 1 nəfəri qətlə yetirib, iki nəfəri isə yaralayıb. Hadisə ilə bağlı terror istintaqı başlayıb. Fransa daxili işlər nazirliyi bildirib ki, terrorçu polis mikroavtobusunun yanına qədər gəlib. Sonra isə avtomatdan atəş açmağa başlayıb.
Bir polisi öldürüb ikisini yaralayan hücumçu qaçmağa cəhd etsə də, mikroavtobusdakı digər polislər tərəfindən öldürülüb. Terrorçunun polisə atəş açma anı kameralara düşüb.
"BFM" kanalı isə polis tərəfindən ölü ələ keçirilən hücumçunun Fransa vətəndaşı olduğu, paytaxt yaxınlığındakı Seine-Saint-Denis qəsəbəsində anadan olduğunu bildirib.
Respublika prokuroru Fransua Molins isə bildirib ki, hücumçunun 39 yaşı var. Fransa xüsusi xidmət orqanları tərəfindən radikal islamçı kimi tanınır. 2001-ci ildə də polisə atəş açdığı üçün 15 il həbs cəzasına məhkum edilib.
Hikmət
Ölkə.Az
