Parisdə Azərbaycan çaxırlarının təqdimatı keçirilib — FOTO

Parisdə Azərbaycan çaxırlarının təqdimatı keçirilib
01:17
23.10.2018
1279
Dünya
A
Fransanın paytaxı Parisdə Beynəlxalq Üzümçülük və Çaxırçılıq Təşkilatında Azərbaycan çaxırlarının təqdimatı keçirilib.

"Ölkə.Az" report-a istinadla bildirir ki, tədbirdə Azərbaycanın kənd təsərrüfatı naziri İnam Kərimov, respublikamızın Fransadakı səfiri Rəhman Mustafayev, Azərbaycanda İxracın və İnvestisiyaların Təşviqi Fondunun (AZPROMO) icraçı direktoru Yusif Abdullayev, Azərbaycan Çaxır İstehsalı və İxracı Assosiasiyasının sədri Elçin Mədətov, xarici ölkələrin diplomatik korpuslarının nümayəndələri, fransalı iş adamları, habelə çaxırçılıq sahəsində tanınmış şirkətlərin nümayəndələri, bu sahədə faəliyyət göstərən distribüterlər iştirak ediblər.

Kənd Təsərrüfatı Nazirliyi, Azərbaycanın Fransadakı səfirliyi və Azərbaycanda İxracın və İnvestisiyaların Təşviqi Fondunun birgə təşkilatçılığı ilə keçirilən tədbirdə Azərbaycan çaxırların özəllikləri, çaxırlarımızın istehsalında istifadə olunan yüksək səviyyəli texnologiyalar, beynəlxalq standarlara cavab verən metodlar və s. haqqında ətraflı məlumat verilib, tədbir iştirakçıları çaxırlarımızın dadına baxıblar.

Kənd təsərrüfatı naziri İnam Kərimov bu gün Azərbaycanda qeyri-neft sektorunun tərəqqisinə böyük diqqət ayrıldığını qonaqların diqqətinə çatdırıb, bu sahələrdən olan kənd təsərrüfatı, habelə üzümçülük və çaxırçılığın inkişaf etdirilməsi üçün həyata keçirilən tədbirlər haqqında ətraflı məlumat verib.

Çaxırlarımız tədbir iştirakçıları tərəfindən yüksək qiymətləndirilib. Tədbirdə ölkəmizin tərəqqisini, geniş potensialını və perkspektivlərini əks etdirən film nümayiş etdirilib.

Ölkə.Az

ŞƏRH YAZ
0

Marsın cənub qütbündə qəribə struktur kəşf edildi — VİDEO

Marsın cənub qütbündə qəribə struktur kəşf edildi
16:47
Bu gün
617
Dünya
A
Məşhur ufoloq və konspiroloq Skott Uorinq NASA-nın rəsmi saytında Marsın cənub qütbünün fotolarını incələyib.

 “Ölkə.Az” xəbər verir ki, fotolar 2004-cü ilin 13 aprel tarixində “Mars Qlobal Serveyor” tədqiqat stansiyası tərəfindən lentə alınıb. Skott fotoların birində qeyri-adi struktur kəşf edib. Məlum olub ki, Qırmızı planetin bəzi hissəsində zond tərəfindən sıx hansısa obyektlərin topası lentə alınıb. Bu obyektlər hərf formalı obyektlərə çox bənzəyirlər.

Çox güman ki, NASA tərəfindən Marsın cənub qütbündə donmuş qaz topası barədə açıqlama veriləcək. Skott isə alimlərə inanmır. Ufoloqun fikrinə əsasən, söhbət yadplanetlilər tərəfindən Marsda inşa edilən strukturlardan gedir.

Hikmət Həsənov
Ölkə.Az

ŞƏRH YAZ
0

Kim Çen İn Putinlə razılıq əldə edə bilmədi

Kim Çen İn Putinlə razılıq əldə edə bilmədi
15:30
Bu gün
964
Dünya
A
Şimali Koreya lideri Kim Çen İnlə Rusiya prezidenti Vladimir Putinin görüşü keçirilib.

“Ölkə.Az” xəbər verir ki, Putinin köməkçisi Yuriy Uşakov görüş barədə açıqlama verib. Uşakov qeyd edib ki, Uzaq Şərqin Vladivostok şəhərində baş tutan danışıqlarda hər hansı bir konkret razılaşma əldə edilməyib.

Bununla belə, Putinin köməkçisi qeyd edib ki, liderlər arasındakı söhbətin çox faydalı olub. Onun sözlərinə görə, Putin və Kim Çen İn Koreya yarımadasındakı vəziyyəti, həmçinin, onun inkişafı perspektivlərini müzakirə edib.

Ölkə.Az

ŞƏRH YAZ
0
BAĞLA