Piyada qadını maşın vurdu
Nizami rayonunda 45 yaşlı qadını naməlum avtomobil vurub.
"Ölkə.Az"- ın əldə etdiyi məlumata görə, hadisə rayonun Qara Qarayev prospektində baş verib.
Yolu keçmək istəyən qadın naməlum avtomobilin zərbəsinə tuş gəlib. Xəsarət alan 1972-ci il təvəllüdlü Ələkbərova Mehriban Arif qızı təcili tibbi yardım maşını ilə 3 saylı Şəhər Klinik Xəstəxanasına yerləşdirilib, vəziyyəti ağır kimi qiymətləndirilir.
Hadisəni törədən avtomobil sürücüsünə gəldikdə isə onun müəyyənləşdirilməsi istiqamətində Nizami Rayon Polis İdarəsinin İstintaq Şöbəsində əməliyyat-axtarış tədbirlərinə başlanılıb.
Ölkə.Az
