Pornoqrafik material dərc edən KİV-lər məsuliyyət daşıyacaq
“Ölkə.Az” xəbər verir ki, bununla bağlı olaraq “Uşaqların zərəli informasiyalardan qorunması” və “Nəşriyyat işi haqqında” qanuna dəyişiklik təklif olunur.
Məsələ Milli Məclisin Mədəniyyət Komitəsinin bu gün keçirilən iclasında müzakirə olunub.
Məsələ barədə məlumat verən komitə sədri Rafael Hüseynov bildirib ki, qanuna təklif edilən dəyişikliyə əsasən pornoqrafik yazılar dərc edən və ya efirdə yaymaq, o cümlədən uşaqların zərərli informasiyalardan qorunması ilə bağlı qaydaları pozan hüquqi və fiziki şəxslərə Cinayət, İnzibati Xətalar, Mülkiyyət Məcəlləsinə uyğun olaraq məsuliyyət daşımalı olacaq. “Həmin qaydaları pozmağa görə məsuliyyət məsələsi əvvəllərdə mövcud idi. Lakin edilən dəyişkliyə əsasən məsuliyyət daha da konkretləşdirilir”- komitə sədri deyib.
Komitə üzvlərin qanuna dəyişiklikləri qəbul edərək, parlamentin plenar iclasına tövsiyyə ediblər.
Eyni zamanda uşaqların internetdəki zərərli informasiyalardan qorunması üçün nəzarət mexanizmləri olmalıdır.
“Ölkə.Az” xəbər verir ki, bunu Milli Məclisin Mədəniyyət komitəsinin iclasında çıxış edən komitə sədri Rafael Hüseynov deyib.
Onun sözlərinə görə, televiziyalarda uşaqların zərərli informasiyalardan qorunması tənzimlənir: “Amma qanunla qoruya bilmədəyimiz ayrı şəbəkə-internet də var. İntenetdəki zərərli informasiyalar uşaqların psixikasını pozur, onlarda zərərli vərdişlər yaradır. İnformasiya, söz azadlığı olsun, amma ona nəzarət mexanizmi də olmalıdır. İntenet vasitəsilə cəmiyyətə böyük faydalar vermək də olur, amma digər tərəfdən onun təhlükələri də var. Bu istiqamətdə çox düşünmək lazımdır. Demirəm ki, ciddi nəzarət mexanizmləri olsun. Amma nəzarət mexanizmləri olmalıdır ki, onun hesabına ən azından uşaqları qorumaq mümkün olsun”.
R.Hüseynov qeyd edib ki, mövcud mədəniyyət evləri şəbəkəsinin tamam yeni səviyyədə qurulması məsələsi qaldırılmalıdır: “Çünki bu, Azərbaycanın milli təhlükəsizliyi məsələsidir. Sabah biz küçəyə çıxanda küçədə hansı səviyyədə olan insanı görəcəyik.
Mürtəza
Ölkə.Az
