Portuqaliyada dəhşətli meşə yanğınları
Portuqaliyanın Pedroqao Qrande vilayətində dəhşətli meşə yanğınları tüğyan edir.
"Ölkə.Az" xəbər verir ki, yanğınlar 62 nəfərin ölümünə səbəb olub. Portuqaliya hökuməti bu səbəbdən ölkədə 3 günlük milli matəm elan edib.
Vilayət paytaxt Lissabondan 200 km şimalda yerləşir. Dağlıq ərazidə baş verən meşə yanğınlarını söndürmək üçün 160 yanğınsöndürən maşın və 1700 nəfər cəlb edilib.
Daxili işlər nazirliyindən verilən açıqlamaya əsasən, həlak olanlar hamısı mülki vətəndaşlardır. 16 nəfər avtomobilindən enə bilmədiyi üçün maşındaca keçinib. Vilayətdəki evlərin böyük əksəriyyəti istifadəyə yararsız hala düşüb.
Hikmət
Ölkə.Az
