“Putin əmindir ki, Tramp Şimali Koreyaya qarşı planlar hazırlayıb” — Politoloq rəyi

“Putin əmindir ki, Tramp Şimali Koreyaya qarşı planlar hazırlayıb”
23:47
27.10.2017
3240
Analitika
A
Rusiya prezidenti Vladimir Putin həyata keçirilən raket sınaqları ilə bağlı yeni əmr imzalayıb.

“Ölkə.Az” xəbər verir ki, sınaqlar çərçivəsində nüvə başlığı daşıyan 3 ballistik raket sınaqdan keçiriləcək. Rusiya dünən həyata keçirdiyi sınaqlarda “Satan 2” adlı  “A RS-28 Sarmat” tipli raketi havaya atmışdı. Raket sınağı çərçivəsində biri Yaponiya sahillərində, digəri Şimal Buzlu Okeanında olan iki rus sualtı qayığından Rusiya torpaqlarındakı hədəflər vurulmuşdu.

Rusiyanın bu addımı dünya siyasətçiləri tərəfindən birmənalı qarşılanmayıb. Putinin məhz bu ərəfədə, regionda gərginliyin artdığı bir vaxtda nüvə silahını sınaqdan keçirtməsi nəyəsə işarədir. Azərbaycanlı siyasətçilər isə düşünürlər ki, burada söhbət Rusiya ilə Qərb, xüsusilə Amerika arasındakı münasibətlərdən gedir. Politoloq İlqar Altay “Ölkə.Az”a açıqlamasında bildirib ki, Rusiyanın nüvə sınağı iki qütb arasındakı gizli mübarizənin nəticəsidir. Onun fikrincə, Putinin bu qərarı güc göstərmək məqsədi daşımır.

“Onların gücü bir-birilərinə yaxşı bəllidir. Şimali Koreya ilə ABŞ arasında münaqişə yaranıb. Tramp Şimali Koreyanı bir neçə dəfə hədələyir. Şimali Koreya lideri də öz növbəsində dəfələrlə ABŞ-ı hədələyib. Rusiyanın da həmin bölgədə nüvə silahını sınaqdan keçirtməsi bu hədələrə qarşıdır. Yəni siz bölgədə tək deyilsiz, biz də varıq. Yəni hansısa nüvə dövlətinə qarşı atom silahı istifadə etsəniz, bu əməli bizlə də razılaşdırmalısınız. Düşünürəm ki, Putinin əlində gizli məlumatlar var ki, Tramp hakimiyyəti Şimali Koreyaya qarşı hansısa planlar hazırlayıb. Onlar Şimali Koreyaya qarşı konkret addımlar atmaq ərəfəsindədir. Putin bunları bildiyinə görə, balistik raketlərini ortaya çıxarır. Belə olmasaydı, Rusiya çoxdan nüvə silahlarını sınaqdan keçirərdi. Bu Trampa xəbərdarlıqdır”, - deyə politoloq bildirib.

Ziya Səccad
Ölkə.Az

ŞƏRH YAZ
0

“Paşinyann daha pozucu və təxribatçı siyasət aparmağa çalışır”

“Paşinyann daha pozucu və təxribatçı siyasət aparmağa çalışır”
00:56
10.06.2018
5721
Analitika
A
Ermənistanın Baş naziri Nikol Paşinyanın Azərbaycanın işğal olunmuş ərazilərində yaradılmış qondarma rejimin Dağlıq Qarabağ münaqişənin nizamlanması ilə bağlı danışıqlarda tərəf kimi iştirak etməli olduğu barədə bəyanatının məqsədi danışıqları uzatmaqdan başqa bir şey deyil.

"Ölkə.Az" xəbər verir ki, bunu Trend-ə açıqlamasında "Bakı Xəbər" qəzetinin baş redaktoru Aydın Quliyev deyib.

Baş redaktor bildirib ki, N.Paşinyan yeni vəzifəsində özünü konstruktiv göstərməyə cəhd etsə də, əslində özündən əvvəlki hakimiyyətdən daha aqressiv, daha pozucu və təxribatçı siyasət aparmağa çalışır:

"Paşinyan bu gün Qarabağ probleminin həlli üçün illərdən bəri formalaşmış danışıqlar formatını dəyişməyə cəhd edir. Onun qondarma rejimin danışıqlar prosesində tərəf kimi iştirakı ilə bağlı iddiası formatı dəyişmək cəhdidir. Bilirsiniz ki, ATƏT-in Minsk qrupunun mandatına uyğun olaraq münaqişənin tərəfləri Azərbaycan və Ermənistan, münaqişənin maraqlı tərəfləri isə Dağlıq Qarabağın Azərbaycan və erməni icmalarıdır. Danışıqlar da Azərbaycan və Ermənistan arasında gedir. Bu format çərçivəsində Azərbaycan indiyə qədər Dağlıq Qarabağ münaqişəsinin əsl mahiyyəti barədə dünyada lazımi rəy yarada bilib. Bütün dünya bilir ki, Dağlıq Qarabağ Azərbaycanın torpağıdır, Ermənistan təcavüzkardır, Azərbaycanın Dağlıq Qarabağ regionu və ətraf 7 rayonu işğal altındadır. Dünya artıq qəbul edir ki, Dağlıq Qarabağ münaqişəsi Azərbaycanın ərazi bütövlüyü çərçivəsində və ilkin olaraq status-kvonun dəyişdirilməsi şərtii lə həll olunmalıdır. Bu gün Paşinyan bu fikri ortaya atmaqla formalaşmış həmin siyasi və hüquqi çərçivəni dəyişməyi hədəfləyib. Burada da məqsəd Dağlıq Qarabağ münaqişəsində danışıqlar prosesini yubatmaqdan başqa bir şey deyil. Paşinyan indi də qondarma rejimi dünyaya müstəqil subyekt kimi tanıtmağa cəhd edir. Bu da danışıqları pozan, qeyri-konstruktiv hərəkətdir və indiyə qədər əldə olunmuş nəticələri alt-üst etmək məqsədi güdür. Çox güman ki, Minsk qrupunun həmsədrləri bunu anlayacaq və Paşinyanın bu siyasətinin qarşısında lazımi maneələri qoyacaq".

Ekspert qeyd edib ki, bu gün dünya Ermənistan-Azərbaycan, Dağlıq Qarabağ münaqişəsinin əsl mahiyyətini anladığı üçün Azərbaycan yalnız substantiv danışıqlara hazırdır:

"Vaxt uzatmaq, vaxt itirmək Azərbaycana sərf etmir. Paşinyanın məqsədi bu substantiv danışıqlardan yayınmaqdır. Amma məqsədinə çata bilməyəcək".

Ölkə.Az

ŞƏRH YAZ
0

İlham Əliyev sərəncam imzaladı — Nazirə iki müavin təyin etdi

İlham Əliyev sərəncam imzaladı
15:43
02.06.2018
65351
Analitika
A
İqtisadiyyat naziri Şahin Mustafayevə iki müavin təyin edilib.

"Ölkə.Az"ın APA-ya istinadən xəbər verir ki, Azərbaycan Respublikası Prezidenti İlham Əliyevin imzaladığı sərəncamlar ilə Sahibkarlığa Kömək Milli Fondunun icraçı direktoru Şirzad Abdullayev və Azərbaycanda İxracın və İnvestisiyaların Təşviqi Fondunun (AZPROMO) prezidenti Rüfət Məmmədov nazir müavini təyin edilib. 

Qeyd edək ki, Şirzad Abdullayev  1970-ci ildə anadan olub. O, Azərbaycan Dövlət İqtisad Universitetini iqtisadçı ixtisası üzrə, Bakı Dövlət Universitetini hüquqşunas ixtisası üzrə bitirib. Almaniya Federativ Respublikasında Berlin İqtisadiyyat Məktəbi və Almaniya Tətbiqi Elmlər İnstitutunda əlavə təhsil alıb. Ş.Abdullayev uzun müddət bank sistemində işləyib, 2003-2008- ci illərdə Mərkəzi Bankın Bank nəzarətinin hüquqi təminatı şöbəsinin rəisi, 2008-ci ildən İqtisadiyyat Nazirliyinin Sahibkarlığa Kömək Milli Fondunun icraçı direktoru olub.

İqtisadi elmləri doktoru, monoqrafiyaların, dərs vəsaitlərinin müəllifi, Azərbaycan Dövlət İqtisad Universitetinin professorudur. Azərbaycan Respublikası Prezidentinin müvafiq sərəncamları ilə "Dövlət qulluğunda fərqlənməyə görə” və"Tərəqqi” medalları ilə təltif edilib. 

R. Məmmədov isə Bakı Dövlət Universitetində Beynəlxalq hüquq ixtisası üzrə bakalavr, Almaniyanın Drezden Texniki Universitetində Avropa inteqrasiyası hüququ ixtisası üzrə magistr təhsili alıb. O, 2007-2010-cu illərdə Avropa İttifaqının Azərbaycan Respublikasına Beynəlxalq Texniki Yardımı üzrə Koordinasiya Bürosunda icraçı direktor, 2010-cu ildən İqtisadiyyat Nazirliyində şöbə müdirinin müavini, 2011-ci ildən Azərbaycanda İxracın və İnvestisiyaların Təşviqi Fondunda (AZPROMO) müxtəlif vəzifələrdə çalışıb, son təyinatdan əvvəl isə AZPROMO-nun rəhbəri olub.
 

ŞƏRH YAZ
0
BAĞLA