“Qarabağ” Çempionlar Liqasına qələbə ilə başladı

“Qarabağ” Çempionlar Liqasına qələbə ilə başladı
00:22
12.07.2018
7776
İdman
A
"Qarabağ" komandası futbol üzrə Çempionlar Liqasında mübarizəyə başlayıb.

"Ölkə.Az" xəbər verir ki, Azərbaycan təmsilçisi Sloveniya çempionu "Olimpiya" ilə I təsnifat mərhələsinin ilk oyununa çıxıb. Lyublyanadakı "Stojitse" stadionunda baş tutmuş qarşılaşma Ağdam klubunun 1:0 hesablı qələbəsi ilə yekunlaşıb.

Yeganə qolu 79-cu dəqiqədə rəqib qapısı qarşısına ötürmədən sonra Donald Gerrye vurub. 85-ci dəqiqədə isə İssa Abass Bədavi Hüseynova bilərəkdən zərbə endirdiyi üçün qırmızı vərəqə alıb. Uzatma dəqiqələrində isə Qara Qarayev ikinci sarı vərəqəni alaraq, meydandan kənarlaşdırılıb. Bununla belə, sloveniyalıların cəhdləri nəticə verməyib. Beləliklə, səfərdə 1:0 hesablı qələbə qazanan "Qarabağ" iyulun 18-də Bakıda keçiriləcək cavab görüşü üçün böyük üstünlük əldə edib.

Ölkə.Az

ŞƏRH YAZ
0

Uduzdurulan Hacı Əliyev — Hakimlərə haqqımı halal etmirəm - FOTO

Uduzdurulan Hacı Əliyev
17:06
Bu gün
1178
İdman
A
Qazaxıstanın paytaxtı Nur-Sultanda keçirilən güləş üzrə dünya çempionatını medalsız başa vuran Hacı Əliyev bu barədə “Instagram” hesabında paylaşım edib.

"Ölkə.Az" oxu.az-a istinadən xəbər verir ki, o, mundialdan medalsız ayrılmasından və ona qarşı olan haqsızlıqlardan yazıb: 

“Bu gün burdan (dünya çempionatından – S.M.) əliboş gedirəm. Amma mənim haqqıma girənləri Allaha tapşırıram və başda oturan bütün hakimlərə haqqımı halal etmirəm. Bu son deyil, inşallah hər şey qarşıda. Allah nə yazıbsa, xeyirlisi”.


Xatırladaq ki, ötən gün Hacı rusiyalı Hacımurad Rəşidovla görüşdə önə keçsə də, qarşı tərəf buna etiraz edib. Hakimlər videotəkrara baxdıqdan sonra idmançımızın xallarını silib. Üçqat dünya və üçqat Avropa çempionumuz hakimlərlə razılaşmayaraq qırmızı vərəqəni onlara tərəf atıb. Hakimlər də cavabında Hacı Əliyevə qırmızı vərəqə göstərib.

Qeyd edək ki, Hacı Əliyev dünya çempionatı vasitəsilə Tokio Olimpiadasına vəsiqə qazana bilməsə də, hələ Yaponiyaya getmək imkanlarını itirməyib. Belə ki, martın 19-22-də Macarıstanın paytaxtı Budapeştdə Avropa, 30 aprel - 3 may tarixlərində Bolqarıstanın paytaxtı Sofiyada dünya lisenziya turnirləri keçiriləcək. Hər iki turnirin finalçıları Olimpiadaya lisenziya qazanacaq.

Ölkə.Az

ŞƏRH YAZ
0

Bu uşaq "Qarabağ" - "Sevilya" matçından əvvəl etdiyi hərəkəti ilə gündəm oldu — VİDEO

Bu uşaq
12:47
Bu gün
3799
İdman
A
UEFA Avropa Liqasının qrup mərhələsi çərçivəsində Azərbaycam təmsilçisi "Qarabağ" İspaniya "Sevilya"sını qəbul edib.

"Ölkə.Az" baku.ws-ə istinadən xəbər verir ki, Tofiq Bəhramov adına Respublika stadionundakı qarşılaşma Ağdam təmsilçisinin 0:3 hesablı məğlubiyyəti ilə yekunlaşıb.

Matç başlamazdan əvvəl "Seviilya" futbolçuları ilə birgə meydana çıxan azyaşlılardan birinin hərəkəti isə sosial şəbəkədə müzakirəyə obyektinə çevrilib. Avropa Liqasının himni oxunarkən ispan futbolçuların qarşısında dayanan azyaşlılardan biri 3 barmağı işarə edib. 

Sosial şəbəkə istifadəçiləri azyaşlının bu hərəkətini qarşılaşmanın hansı hesabla nəticələnəcəyi barədə öz ehtimalı kimi qiymətləndirib.  Belə ki, azyaşlı 3 barmağı ilə işarə etdiyi kimi qarşılaşma da, 0:3 hesabı ilə qonaqların qalibiyyəti ilə yekunlaşıb.

Ölkə.Az

ŞƏRH YAZ
0
BAĞLA