"Qarabağ"da qalıb yaxşı pul qazana bilərdim” - Elyunissi

17:45
04.02.2018
2204
İdman
A
“2017-ci il mənim üçün ziddiyətli il oldu. Əvvəl “Olimpiakos”la yaxşı bir mövsüm keçirdim, Yunanıstan çempionu olduq. Sonra “Qarabağ”a keçdim. Bu komanda ilə Çempionlar Liqasında oynamaq istəyirdim. Əvvəlcə hər şey yaxşı gedirdi. Lakin sonradan axmaq bir zədə aldım”.

Qol.az-ın xəbərinə görə, bu sözləri qış transfer pəncərəsi zamanı “Qarabağ”da ayrılaraq İsveçin AİK klubuna keçən Tarik Elyunussi bildirib.

Norveç millisinin 29 yaşlı yarımmüdafiəçisi İsveçin “Futbol kanalı”na verdiyi müsahibədə Ağdam klubunda möhkəmlənə bilməməsinin səbəbini də zədələnməsi ilə əlaqələndirib: “Bu zədəyə görə mən 2 ay yaşıl meydandan kənarda qaldım, Çempionlar Liqasının son oyunlarını buraxmalı oldum. Mən isə “Qarabağ”a məhz Çempionlar Liqasında çıxış edib təcrübə toplamaq üçün getmişdim. Sonra AİK-in mənimlə maraqlandığını eşitdim. Bu, mənim üçün maraqlı variant idi. Mənim hələ iddialarım qalır. AİK-lə 2 illik müqavilə bağladım. Əminəm ki, biz “Malmö” ilə rəqabətdə qalib gəlib İsveç çempionu olacağıq və bu zaman yenidən Avropa kubokunda oynayacağıq”.

“Sizə AİK-dən başqa da təkliflər vardımı” sualına T.Elyunussi belə cavab verib: “Başqa komandaya da gedə, “Qarabağ”da qalıb yaxşı pul da qazana bilərdim. O cümlədən “Olimpiakos”a qayıtmağım mümkün idi. Amma mən pulu deyil, gələcək uğurlu karyeramı fikirləşdim”.

Ölkə.Az

ŞƏRH YAZ
0

"Arsenal" - "Qarabağ" oyununun hakimləri açıqlandı

14:58
Bu gün
341
İdman
A
UEFA Avropa Liqasının qrup mərhələsinin VI turunda İngiltərənin “Arsenal” və Azərbaycanın “Qarabağ” komandaları arasında keçiriləcək oyunun hakimləri açıqlanıb.

“Ölkə.Az” xəbər verir ki, dekabrın 13-də Londondakı “Emireyts” stadionunda baş tutacaq görüş danimarkalı ədalət təmsilçilərinə həvalə olunub. Matçın baş hakimi Yens Moedir. Lars Hummelqorla Heyne Serensen yan xatt hakimləri qismində təyinat alıblar.

Qarşılaşmanın dördüncü hakimi Esper Dal, əlavə köməkçilər isə Yorgen Burxardt və Morten Kroq olacaq. Yunanıstanlı Stavros Tritsonis hakim-inspektor, finlandiyalı Styrbjörn Oskarsson isə UEFA nümayəndəsi funksiyasını yerinə yetirəcək.

Qeyd edək ki, matç Bakı vaxtı ilə saat 00:00-da start götürəcək. Bu komandalar arasında Bakı Olimpiya Stadionunda baş tutan oyun “Arsenal”ın 3:0 hesablı qələbəsi ilə yekunlaşıb.

Ölkə.Az

ŞƏRH YAZ
0

Şərif Şərifov Rusiyada bürünc medal qazanıb

Şərif Şərifov Rusiyada bürünc medal qazanıb
22:46
09.12.2018
1607
İdman
A
Şimali Osetiyanın paytaxtı Vladiqafqazda (Rusiya) sərbəst güləş üzrə "Alans" turniri keçirilib.

"Ölkə.Az" report-a istinadən bildirir ki, yığmamızın böyük məşqçisi Zəlimxan Hüseynovun rəhbərliyi altında olimpiya və dünya çempionu Şərif Şərifov və Məhəmmədhacı Xatiyev (hər ikisi 92 kq) yarışda ölkəmizi təmsil edib.

Aslenbek Alborov son anda zədə üzündən xalça üzərinə çıxa bilməyib. Digər təmsilçilərimizə gəlincə, Xatiyev 1/8 finalda mübarizəni dayandırıbsa, Şərifov bürünc medal qazanaraq, 1000 dollar pul mükafatına sahib çıxıb.

Ölkə.Az

ŞƏRH YAZ
0
BAĞLA