"Ölkə.Az"xəbər verir ki, Qəbələ rayonunda Mənsimov Rəsul Cavanşir oğlu ilə ailə quran Sevinc Mənsimova qayınatası tərəfindən başına gətirilən dəhşətli hadisəni A24.Az-a danışıb.

Gəlin iddia edib ki, qayınatası ona qarşı əxlaqsız hərəkətlər edib. Sevincin sözlərinə görə, Mənsimov Cavanşir ona illər öncə təcavüz etməyə cəhd göstərib. Lakin buna nail ola bilməyib:

"Yoldaşımla dalaşıb ayrılmışıq. Bir həftədir onu ailəsi gizlədir. Görə bilmirəm. Rəsul mənə dedi ki, məni ailəm səndən ayrılmağa məcbur edir. Yoldaşımla aramız dəyəndən sonra qayınatam mənə dedi ki, gəl, səni saxlayım. Uşağa da, sənə də sahib çıxıram. Dedim, sən necə atasan? Axı mən sənin gəlininəm. Cavab verdi ki, Allah eləməsin, sən mənim gəlinim olasan. Qayınatam hələ 2 il bundan əvvəl mənə təcavüz etməyə cəhd edib”.

Daha sonra Sevinc qayınatasının ona atdığı böhtanlardan da danışıb:

"Yoldaşımı qayınanamla baldızım yoldan çıxardı. Biz Oğuza uşağı peyvənd olunması üçün gətirmişdik. Sonra yoldaşım dedi ki, daha səni istəmirəm. Səninlə elə-belə evlənmişəm. Biz onunla qaçaraq evlənmişdik. Ona başqa qız almaq istəyirdilər. Bu səbəbdən qaçmaq məcburiyyətində qalmışıq. Qayınanamgil deyirdilər ki, mən ərə gələndə bakirə olmamışam. Lakin ərim polis bölməsində izahat yazdı ki, biz evlənəndə bakirə olmuşam. Bunlar qayınatamın şər-böhtanıdır”.

İddiaları dəqiqləşdirmək üçün Cavanşir Mənsimovla əlaqə saxladıq. Bildirdi ki, bütün bu iddialar gəlininin uydurmasıdır. O, Sevincin ruhi xəstə olduğunu söylədi:

"Gəlinin adında 9 cinayət işi var. O neçə insanı şərləyib. İndi də mənə şər-böhtan atır. Mən Daxili İşlər Nazirliyinə müraciət edəcəyəm. Xahiş edəcəm ki, bu qızı araşdırısınlar. Neçə oğlanı şərləyib. Hazırda həmin insanlar həbsxanadadır. Guya 4 oğlan onu zorlamaq istəyib. Guya bu o qədər gözəldir ki, bütün respublika bunu zorlaya-zorlaya gedir. Hamıya şər atır ki, guya bunu zorlamaq istəyirlər. Mənim gəlinim dəlidir. Bütün sənədlərimizi götürüb gedib. Mən ona demişəm ki, gəl sənə də, uşağına da övladım kimi baxım. Körpə uşaq küçədə qalıb, onun heç bir günahı yoxdur”.

Ölkə.Az

"Ölkə.Az" report-a istinadən bildirir ki, ötən gün səhər saatlarından axşamadək davam edən reyd zamanı DYP əməkdaşları müxtəlif istiqamətlər üzrə iş aparıb.

Öncə sərnişindaşıma ilə məşğul olan mikroavtobuslar saxlanılaraq, normadan artıq sərnişindaşıma, sürücülük vəsiqəsi, yaxud etibarnaməsi olmayan sürücülərin avtobusları idarə edib-etməməsi və digər tələblərin icrasına nəzarət həyata keçirilib. Reyd zamanı etibarnamə və tibbi arayış olmadan sükan arxasına əyləşən sürücülər aşkarlanıb. Onlar müxtəlif bəhanələrlə hadisə yerindən uzaqlaşmağa və ya məsuliyyətdən yayınmağa cəhd göstərib.

Reyd ərzində həmçinin yol hərəkəti qaydalarını pozaraq yollarda təhlükə yaradan velosipedçilər də saxlanılıb. Onlar da öz növbəsində velosiped yollarının olmamasını bəhanə gətirərək vəziyyətdən çıxmağa çalışıb.

Günün sonuna yaxın isə təhlükəsizlik kəmərindən istifadə edilməməsi, nəqliyyat vasitəsini sərxoş vəziyyətdə idarəetmə halları və digər qayda pozulmaları ilə bağlı əməliyyat reydi davam etdirilib. Gün ərzində ümumilikdə 100-dən çox minik avtomobili, sərnişin avtobusunun sürücüsü və velosipedçi saxlanılaraq, 70 sürücü barədə inzibati protokollar tərtib edilib.

Ölkə.Az

"Ölkə.Az" bildirir ki, bu barədə trend-ə "Naxçıvan Duz İstehsalı" MMC-nin direktoru Anar Əsədullayev bildirib.

Direktorun sözlərinə görə, işlərə gələn ildən başlamaq planlaşdırılır: "İşlərin dəqiq olaraq hansı ay başlayacağını söyləmək çətindir, hər şey hazırda mütəxəssislər tərəfindən dağlıq duz yatağı ərazisində aparılan tədqiqatların nəticələrindən asılı olacaq".

O bildirib ki, MMC-nin orta müddətli planlarına Naxçıvan duzunun satışı üzrə yeni mərkəzlərin açılışı daxildir: "Satışların əsas mərkəzi Bərdədə yerləşir, amma biz həmçinin yaxın yarım ildə satış nöqtələrinin şəbəkəsini genişləndirməyi planlaşdırırıq. Hesablamalarımıza görə, belə mərkəzlərin daha çox Azərbaycanın şimal və cənub regionlarında açılması gözlənilir".

Qeyd edək ki, "Naxçıvan Duz İstehsalı" MMC xörək duzu və texniki duz istehsal edir.

Ölkə.Az