“Qəbələ” “başsız” qaldı
Azərbaycan Premyer Liqasının III turunun "Qəbələ" – "Keşlə" oyunundan (0:4) sonra "qırmızı-qaralar"ın baş məşqçisi Sənan Qurbanov istefa verib.
“Ölkə.Az” klub saytına istinadən xəbər verir ki, rəhbərlik 39 yaşlı mütəxəssisin istefasını qəbul edib.
Xatırladaq ki, 2012-ci ildə "Qəbələ"nin köməkçi məşqçisi təyin olunan Qurbanov 2018-ci ilin yayından baş məşqçi kimi çalışırdı. O, 43 oyunda bu vəzifəni yerinə yetirib. “Qəbələ” onun rəhbərliyi altında 15 qələbə qazanıb, 11 heç-heçə edib və 17 dəfə uduzub.
Qeyd edək ki, "Qəbələ" S.Qurbanovun rəhbərliyi altında Azərbaycan kubokunun 2018-2019-cu illər mövsümünün qalibi olub.
Ölkə.Az
