Qətərin yeni açıqlaması: \"Türkiyə və ABŞ-la birgə hərbi təlimlər keçiriləcək\"
Qətərin müdafiə naziri Halid əl Atiyyə yeni açıqlama verib.
"Ölkə.Az" xəbər verir ki, qətərli nazir Körfəz böhranının ABŞ ilə olan münasibətlərə təsir etmədiyini, Qətərin ABŞ və Türkiyə ilə birlikdə yeni hərbi təlimlərə hazırlaşdığını bildirib.
Rusiya telekanalına müsahibə verən Halid Əl Atiyyə deyib: "Qətərin Türkiyə və ABŞ-la münasibətlərinin şəffaf olması və daim inkişaf etməsi üçün çox səy göstərdim. ABŞ-ın terrorla mübarizə məsələsində Qətərlə əməkdaşlıqdan vaz keçəcəyinə inanmıram. Çünki iki ölkə İŞİD-ə qarşı beynəlxalq koalisiyada müttəfiqdirlər. Qətər, ABŞ və Türkiyə Qətər ərazisində müntəzəm olaraq hərbi təlimlər həyata keçirir. Yaxın gələcəkdə üç ölkə birgə hərbi təlimlərə start verəcək".
Hikmət Həsənov
Ölkə.Az
