Rafael Ağayev finalda uduzdu
Yaponiyanın paytaxtı Tokioda keçirilən karate üzrə Premyer Liqa yarışında beşqat dünya çempionumuz Rafael Ağayev gümüş medal qazanıb.
“Ölkə.Az” oxu.az-a istinadən xəbər verir ki, tanınmış idmançımız, dünya karatesinin "Brilyant"ı finalda son vaxtlar tez-tez üz-üzə gəldiyi yaponiyalı Ken Nişimura ilə qarşılaşıb.
Görüşdə hesab açılmasa da, hakimlər qələbəni yerli idmançıya verib.
Digər dünya çempionumuz İrina Zaretskaya (-68 kq) isə finalda fransalı Alizee Aqyeyə 3:0 qalib gələrək qızıl medal qazanıb.
Ayxan Mamayev (-84 kq) isə qazaxıstanlı İqor Çixmarevə 3:2 qalib gələrək bürünc medala yiyələnib. Bununla da millimiz karatenin vətənindən üç medalla dönür.
Ölkə.Az
