KORONAVİRUSA YOLUXANLARIN SAYI - CANLI STATİSTİKA

Samux İH başçısının kürəkənindən hədə: “Biz respublikada 3 nəfərdən biriyik...” — ŞİKAYƏT

Samux İH başçısının kürəkənindən hədə: “Biz respublikada 3 nəfərdən biriyik...”
16:57
24.05.2020
10452
Ölkə
A
Samux rayon İH başçısı Alı Qocayevin kürəkəni dələduzluqda ittiham olunur.

"Ölkə.Az" bildirir ki, bu barədə qaynarinfo-ya açıqlamasında Məhəd Musa oğlu Həsənov məlumat verib. 

Onun sözlərinə görə, Alı Qocayevin qızının həyat yoldaşı, "Şell” şirkətinin Azərbaycandakı rəsmi nümayəndəsi Nəsib Şamilov onunn 60 min manatını qaytarmaq istəmir:

"Nəsib Şamilov mənim kirvəmdir. 2017-ci ildə biz onunla birlikdə ortaq iş qurduq. Araz adlı bir sahibkardan icarəyə 4 mərtəbəli bina götürdük və ofis bütünlüklə mənim adıma sənədləşdirildi. 2018-ci ilin sentyabrında təmir işləri yekunlaşdı. Müqaviləyə görə, idarəcilik məndə qalmaq şərti ilə qazancın 70%-i onun, 30 %-i mənim olmalı idi. Onun idarəçiliklə bağlı heç bir səlahiyyəti yox idi. Biz işə başlar-başlamaz Nəsib Şamilovla aramızda mübahisə yarandı. Mübahisəyə səbəb Nəsib Şamilovun istəkləri oldu. Onun tələblərindən biri həyat yoldaşının idarəçilikdə təmsil və yaxın qohumlarının işlə təmin olunması idi”.

Məhəd Həsənov qeyd edib ki, onun icazəsi olmadan Nəsib Şamilovun həyat yoldaşı və qohumları şirkətdə işlə təmin olunub:

"Mən rayona istirahətə getmişdim. Orada olduğum müddətdə obyekt sahibi telefon edib aramızdaki müqaviləyə xitam veriləcəyini bildirdi. Gələndə bunlar hədə-qorxular gəlməyə başladılar. Nəsib Samux rayon İcra Hakimiyyətinin başçısı Alı Qocayevin kürəkənidir. Ona güvənirlər. Hər dəfə mübahisə düşəndə "bilirsən də biz kimik” deyə işarə verirdilər. Dedim ki, mənə çatacaq məbləğ var, onu qaytarın sonra. Söz verdilər ki, müqaviləyə xitam ver, sənə çatacaq 60 min manatı qaytaracağıq. Bunlar arxalarına və pullarının gücünə güvənərək, obyekt sahibindən xitam verilməyən müqavilənin üzərindən yenidən müqavilə bağladılar. Ondan sonra isə mənə hədə-qorxu gələrək, mənimlə olan müqaviləyə də xitam verirlər. Bu məsələdə mən tək deyiləm, Nəsib Şamilov məndən əlavə də bir neçə adama belə "atıb”.

Məhəd Həsənovun sözlərinə görə, Nəsib Şamilovun hərəkətləri ilə bağlı Samux rayon İcra Hakimiyyətinin başçısı Alı Qocayevə rəsmi şəkildə məktub ünvanlayıb:

"Dəfələrlə məktub yazmışam. Həm evinə, həm də icra hakimiyyətinə. Nəsibə də mesajlar göndərmişəm. Amma mənə heç bir cavab vermirlər. Üstəlik deyirlər ki, "get kimə istəyirsən şikayət elə, biz resublikada 3 nəfərdən biriyik”. Bu nə deməkdir? Bunlar kimə güvənir? Onlar həm də yaxın qohumları və sabiq Baş prokurorun müavinlərindən biri Mehman Qocayevə güvənirdilər. Məsələdən Mehman Qocayev də xəbərdardır. Bu, dələduzluqdan başqa bir şey deyil. Bir ildən yuxarıdır ki, mən onlardan bu pulu ala bilmirəm. Qərara almışam ki, məsələ ilə bağlı ölkə başçısına və ölkənin I vitse-prezidenti xanımı Mehriban Əliyevaya şikayət edəm”.

ŞƏRH YAZ
0

Koronavirusla bağlı son STATİSTİKA

Koronavirusla bağlı son STATİSTİKA
09:21
Bu gün
130
Ölkə
A

Dünyada koronavirusa yoluxanların sayı 13 462 655 nəfərə çatıb.

"Ölkə.Az" oxu.az-a istinadən xəbər verir ki, virusdan 581 316 nəfər ölüb, 7 851 602 xəstə sağalıb.

Koronavirusun ən çox yayıldığı qitə Şimali Amerika (4 153 035), ölkə isə ABŞ-dır (3 545 077 nəfər).

Azərbaycanın sərhəd qonşusu Rusiya yoluxma sayına görə dünya ölkələrinin sıralamasında dördüncü yerdə qərarlaşıb. RF-də koronavirusa yoluxan 739 947 nəfərin 11 614-ü ölüb.

Digər qonşularımızdan İranda 262 173, Türkiyədə 214 993, Ermənistanda 32 490, Gürcüstanda 999 yoluxma müşahidə edilib.

Azərbaycanda koronavirus 25 113 nəfərdə aşkarlanıb. Virusa yoluxanlardan 319 nəfəri həyatını itirib, 16 150 xəstə sağalıb.

ŞƏRH YAZ
0

"Ölkə.Az" - 6 il

08:54
Bu gün
602
Ölkə
A
Bu gün “Ölkə.Az” portalının fəaliyyətə başlamasının 6 ili tamam olur.

Xəbər portalı 2014-cü il 15 iyul tarixində fəaliyyətə başlayıb və qısa müddətdə geniş oxucu auditoriyası toplayıb.

24 saat fəaliyyət göstərən saytda Azərbaycan dilində gündəlik 100-ə yaxın məqalə dərc edilir.
Məqalələr bütün sahələri əhatə edir.

“Ölkə.Az” portalı bütün yaş qruplarına müraciət edir. Portalda sosial, siyasi, analitik məqalələrlə yanaşı, mədəniyyət və şou-biznes aləmindəki yeniliklər, dünya xəbərləri, sağlamlıq, kosmos və astronomiya dünyasına aid yeni nəaliyyətlər, Azərbaycan və dünya tarixinin gizlin sirləri, ölkədə baş verən son yeniliklərə aid xəbərlər geniş auditoriyaya təqdim edilir.

ŞƏRH YAZ
0
BAĞLA