Zelenski: Ukrayna dənizdə dronlarla müdafiə xətti yaradacaq

Ölkə.az xəbər verir ki, bu barədə Ukrayna Prezidenti Volodimir Zelenski Odessaya səfəri zamanı bildirib.

"Müdafiə xətti Odessanı və bütün regionu hava hücumlarından qorumalı olacaq", - Zelenski dəqiqləşdirib.

Onun sözlərinə görə, dronlar müxtəlif platformalardan, o cümlədən dəniz obyektlərindən buraxılacaq. Gələcək donanma gəmiləri, aviasiyanı, suüstü və sualtı dronları birləşdirəcək. Xüsusilə, dronlara qarşı mübarizə məqsədilə Odessa regionunda hava hücumundan müdafiəni (HHM) gücləndirmək üçün helikopterlərin sayının artırılması nəzərdə tutulub.

Zelenski bildirib ki, Ukrayna həmçinin Türkiyədə "Hetman İvan Mazepa" və "Hetman İvan Vıqovski" adlı sualtı qayıq əleyhinə korvetlərin inşası üzərində işləyir, eləcə də daha iki korvet inşa etməyi planlaşdırır.

O, Odessada yeni mina əleyhinə gəmilər briqadasının və Hərbi Dəniz Akademiyasının yaradılacağını elan edib. Zelenskinin sözlərinə görə, briqada dənizdə fəaliyyət göstərəcək və zərurət yarandıqda gəmiçiliyin təhlükəsizliyinə zəmanət vermək üçün tərəfdaşlara kömək edəcək.

"Avropadakı bir çoxlarından üstünlüyümüz bundadır: biz Ukrayna təcrübəmizi, peşəkarlığımızı, hərbi ekspertizamızı bizə kömək etmiş və kömək edənlər üçün yeni təhlükəsizlik zəmanətlərinin əsasına çevirə bilərik", –o bəyan edib.