Səddamın kəşfiyyatçıları İŞİD sıralarında
"Ölkə.Az" xəbər verir ki, İŞİD terror qruplaşmasının partizan müharibəsinə hazırlaşdığı iddia edilib. Səddam Hüseyn dövründəki xüsusi xidmət orqanı əməkdaşları isə terrorçuların liderləri olacaqlar.
Analizlərə əsasən, terror qruplaşması müxalifləri də sıralarına cəlb edərək partisan savaşına girəcək. Bir neçə ay əvvəl yüksək rütbəli terrorçular Mosuldan ayrılaraq İraqın şimali-şərqindəki Hamrin dağlarına keçib. Bu bölgədən İraqın dörd fərqli əyalətinə nəqliyyat dəhlizləri var.
Onlardan bəziləri təhlükəsizlik qüvvələri tərəfindən həbs edilsələr də, bir çoxu dağlıq əraziyə qaçaraq yeni əməliyyatlar üçün baza qururlar. Bəzi iraqlı hərbçilər isə çox çətin günlərin başlayacağını düşünür.
ABŞ-ın rəhbərlik etdiyi koalisiyanın komandiri general Stiv Tounsend deyib: "Müttəfiqimiz İraq təhlükəsizlik qüvvələri müəyyən dövrdə silahlı üsyançılara qarşı mübarizə aparmaq məcburiyyətində qalacaq. Biz hazırda təlimləri İŞİD taktikalarına uyğun şəkildə dəyişdirmək niyyətindəyik".
Hikmət Həsənov
Ölkə.Az
