Səməd Seyidov: “XİN bəyanat yaymalıdır ki, ehtiyatlı olun!”

Səməd Seyidov: “XİN bəyanat yaymalıdır ki, ehtiyatlı olun!”
15:27
14.05.2019
505
Siyasət
A
"Böyük Britaniya Xarici İşlər Nazirliyinin bəyənatını eşidəndə təəccübləndik. Düşünürəm ki, heç nə təsadüfi olmur"

"Ölkə.Az" xəbər verir ki, bunu Milli Məclisin Beynəlxalq Əlaqələr və Parlamentlərarası Münasibətlər Komitəsinin sədri Səməd Seyidov deyib. Onun sözlərinə görə, Azərbaycan XİN Böyük Britaniyaya belə bir bəyanat ünvanlaya bilər.

"Azərbaycanda 100 min əhaliyə 264, Böyük Britaniyada isə 100 min əhaliyə 7178 cinayət hadisəsi qeydə alınır. Bunlar rəsmi statistikadır. Böyük Britaniyada 100 min əhaliyə düşən cinayət statsitikası Azərbaycanla müqayisədə 30 dəfə çoxdur. Biz Böyük Britaniyaya gedən zaman Azərbaycanın Xarici İşlər Nazirliyi bəyənat verməlidir ki, ehtiyatlı olmaq lazımdır, hansısa yerlərdə sizi təhlükə gözləyir. Böyük ehtimalla bu bəyənatın bir neçə səbəbi var. İlk olaraq belə bir bəyənatın altında siyasi motivlər özünü göstərməkdədir. Hamıya bəllidir ki, bu gün Azərbaycanda böyük tədbirlər yüksək təhlükəszilik şəraitində təşkil oluna bilər. Bu cür bəyanatın verilməsi ölkəmizə qarşı işləyən qüvvələrin Azərbaycanı beynəlxalq aləmdə mənfi imiclə göstərmək, xoşagəlməz təsəvvür formalaşdırmaq cəhdini göstərir", - deyə S.Seyidov Britaniya XİN-in Azərbaycanla bağlı səyahət tövsiyyəsinə münasibət bildirib.

Ölkə.Az

ŞƏRH YAZ
0

Elmar Məmmədyarov Kolumbiyanın yeni səfiri ilə görüşüb — FOTO

Elmar Məmmədyarov Kolumbiyanın yeni səfiri ilə görüşüb
20:14
21.05.2019
969
Siyasət
A
Xarici İşlər naziri Elmar Məmmədyarov Kolumbiyanın Azərbaycana yeni təyin olunan səfiri Luis Antonio Dimate Kardenası qəbul edib.

Xarici İşlər Nazirliyindən "Ölkә.Az"a verilən məlumata görə, görüşdə iki ölkə arasında münasibətlərin hazırkı səviyyəsindən məmnunluq ifadə edildi və insanlararası təmasların artırılması məqsədilə tələbə-müəllim mübadiləsinin vacibliyi vurğulanıb.

Səfir Luis Antonio Dimate Kardenas ölkəsinin bütün sahələrdə Azərbaycan ilə əməkdaşlığı inkişaf etdirməkdə maraqlı olduğunu qeyd edərək, diplomatik fəaliyyəti müddətində ikitərəfli əlaqələrin inkişafı üçün səylərini əsirgəməyəcəyini bildirib.

E.Məmmədyarov səfirə diplomatik fəaliyyətində uğurlar arzu edib.

Səfir etimadnaməsinin surətini nazir E.Məmmədyarova təqdim edib.

Ölkә.Az

ŞƏRH YAZ
0

Prezidentdən YENİ SƏRƏNCAM

Prezidentdən YENİ SƏRƏNCAM
18:21
21.05.2019
652
Siyasət
A
Prezident İlham Əliyev “Azərbaycan Respublikası Hökuməti və Çexiya Respublikası Hökuməti arasında iqtisadi, elmi-texniki və mədəni əməkdaşlıq üzrə Qarışıq Komissiyanın Azərbaycan Respublikası tərəfindən tərkibi haqqında” Azərbaycan Respublikası Prezidentinin 2011-ci il 13 may tarixli 1502 nömrəli Sərəncamında dəyişiklik edilməsi barədə sərəncam imzalayıb.

Sərəncamda qeyd edilir ki, “Azərbaycan Respublikası Hökuməti və Çexiya Respublikası Hökuməti arasında iqtisadi, elmi-texniki və mədəni əməkdaşlıq üzrə Qarışıq Komissiyanın Azərbaycan Respublikası tərəfindən tərkibi haqqında” Azərbaycan Respublikası Prezidentinin 2011-ci il 13 may tarixli 1502 nömrəli Sərəncamının (Azərbaycan Respublikasının Qanunvericilik Toplusu, 2011, № 5, maddə 407; 2012, № 2, maddə 113; 2014, № 6, maddə 644, № 11, maddə 1414; 2016, № 8, maddə 1384, № 9, maddə 1518; 2018, № 8, maddə 1677) 1-ci hissəsi ilə yaradılmış Komissiyanın tərkibi aşağıdakı redaksiyada verilsin:

“Komissiyanın həmsədri

Rüfət Məmmədov - Azərbaycan Respublikası iqtisadiyyat nazirinin müavini

Komissiyanın üzvləri

Azərbaycan Respublikası xarici işlər nazirinin müavini

Azərbaycan Respublikası fövqəladə hallar nazirinin müavini

Azərbaycan Respublikası maliyyə nazirinin müavini

Azərbaycan Respublikası nəqliyyat, rabitə və yüksək texnologiyalar nazirinin müavini

Azərbaycan Respublikası energetika nazirinin müavini

Azərbaycan Respublikası kənd təsərrüfatı nazirinin müavini

Azərbaycan Respublikası mədəniyyət nazirinin müavini

Azərbaycan Respublikası təhsil nazirinin müavini

Azərbaycan Respublikası səhiyyə nazirinin müavini

Azərbaycan Respublikası Dövlət Turizm Agentliyinin sədri

Azərbaycan Respublikası Dövlət Gömrük Komitəsi sədrinin birinci müavini

Azərbaycan Respublikası Mərkəzi Bank sədrinin müavini

Azərbaycan Respublikasının Çexiya Respublikasında fövqəladə və səlahiyyətli səfiri.”.

Xarici İşlər Nazirliyi bu Sərəncamın 1-ci hissəsi ilə edilən dəyişiklik barədə Çexiya Respublikası tərəfinə bildiriş göndərəcək.

ŞƏRH YAZ
0
BAĞLA