Space TV-nin qalmaqallı departamentində daha bir AYRILIQ
Space telekanalını daha bir əməkdaşı tərk edib.
"Ölkə.Az"-ın məlumatına görə, xəbərlər departamentinin əməkdaşı, müxbir Famil Fərhadoğlu öz ərizəsi ilə işindən ayrılıb. Həmkarımız gedişinin səbəbini belə izah edib:
"Öz ərizəmlə 5 ildir ki, çalışdığım "Space" televiziyasından ayrıldım. O kanalda olan yaxşı insanlara öz təşəkkürümü bildirirəm. "Space" mənə yeni əlaqələr və çoxlu dostluqlar qazandırdı. Səbəbə gəlincə çox söz deməyə haqqım çatır. Sadəcə, susuram. Çünki mən əqidəli insanam. Əqidəli insanlar da çörək yediyi qaba tüpürmürlər".
Qeyd edək ki, son bir ayda telekanalın sözügedən departamentində bir neçə qalmaqallı dəyişiklik edilib.
İntiqam VALEHOĞLU
Ölkə.Az
