Təyyar Bayramovdan Nigar Şabanovanın rüşvət İDDİASINA
Əməkdar artist Təyyar Bayramov həmkarı Nigar Şabanovanın Xəzər TV-nin “Hər şey daxil” verilişində Akademik Opera və Balet Teatrı ilə bağlı səsləndirdiyi fikirlərə münasibət bildirib.
Bayramov "Ölkə.Az"-ın əməkdaşı ilə söhbətində Şabanova ilə dost olduğunu deyib:
“Nigar bizim sənət dostumuzdur. Ancaq bu, onun şəxsi fikridir. Mən öz adıma deyə bilərəm ki, orada belə bir halla heç vaxt qarşılaşmamışam. Artıq 15 ildir ki, Akademik Opera və Balet Teatrının solistiyəm və nəinki görmək, heç bu barədə cüzi bir iddia belə eşitməmişəm. Mənim ətrafımda olan sənət dostlarımın da belə bir söz dediyini xatırlamıram".
Qeyd edək ki, Nigar Şabanova "Hər şey daxil" verilişində bildirib ki, Leyli obrazına görə teatrın Toma adlı əməkdaşı ondan 5 min manat pul tələb edib.
Vüsalə Balayeva
Ölkə.Az
