Tramp-Ərdoğan görüşündən sonra ABŞ-ın YPG açıqlaması
ABŞ prezidenti Donald Tramp Türkiyə prezidenti Rəcəb Tayyip Ərdoğanla görüşdən sonra yeni açıqlama səsləndirilib.
"Ölkə.Az" xəbər verir ki, ABŞ xarici işlər nazirinin müavini Conatan Kohen Birləşmiş Ştatların YPG qruplaşması ilə münasibətini müvəqqəti və taktiki olduğunu bəyan edib.
"Middle East" insitutunda çıxış edən Kohen deyib: "Müharibə şəraitinin yaratdığı şərtlərə görə YPG ilə bir münasibətimiz var. Çünki Suriyadakı "Demokratik Suriya qüvvələri" Rakkanın azad edilməsində önəmli bir rola sahibdir. YPG ilə münasibətlərimiz müvəqqəti və taktikidir".
Conatan qeyd edib ki, Mosul əməliyyatından sonra Şimali İraq Kürd Muxtariyyatı və rəsmi Bağdad ilə birlikdə PKK terror qruplaşmasını Şenqaldan çıxarmaq üçün səy göstərəcək. ABŞ tərəfindən qurulan "Demokratik Suriya qüvvələri"nin böyük bir hissəsi YPG-dən ibarətdir.
Hikmət
Ölkə.Az
