Türkiyə ordusu quru əməliyyatına başladı

“Ölkə.Az” xəbər verir ki, Türkiyə ordusunun hava qüvvələri bir neçə saatdır hava zərbələri ilə PKK terrorçularının hədəflərini bombaladıqdan sonra quru qoşunları da irəliləməyə başlayıb.

Türkiyə hərbiçiləri Bakı vaxtı ilə 23:00-dan etibarən 3 istiqamətdən Fərat çayının şərq sahilinə doğru hərəkət ediblər.

Qeyd edək ki, Türkiyə 2012-ci ildən etibarən Suriya ilə sərhəddə təhlükəsiz zonası yaratmaq istəsə də, geridə qalan 9 ildə buna nail ola bilməyib. Uzun danışıqlardan sonra ötən həftə Donald Tramp ABŞ əsgərlərini nəzarət məntəqələrindən geri çəkməyə razılıq verib. Bundan sonra Türkiyə ordusu sərhədi keçərək əməliyyata hazırlaşmağa başlayıb.

Türkiyə Cerablus-İraq sərhədi arasındakı sərhəd xəttində 35-40 kilometr dərinlikdə “təhlükəsizlik zolağı” yaratmaq niyyətindədir. Burada 1 milyon qaçqının yerləşdirilməsi üçün 10 qəsəbə və 5 min kəndin salınması nəzərdə tutulub. Bu qəsəbələrin hər birində 30 min, kəndlərin hər birində isə 5 min nəfər yerləşdiriləcək. Layihənin ümumi dəyəri isə 26 milyard dollardır.

Ölkə.Az