Türkiyənin “S-400”lərə sahib olması Azərbaycana nə verəcək?
"Ölkə.Az" bildirir ki, məsələ ilə bağlı politoloq Elxan Şahinoğlu fikirlərini oxu.az-a bölüşüb.
Onun sözlərinə görə, Türkiyənin müdafiə qabiliyyətini artırması, heç şübhəsiz, müttəfiqi Azərbaycanın da maraqlarına xidmət edir.
“Türkiyə “S-400” raketlərini gələcəkdə özü istehsal etməyə başlayacağı halda, əldə edəcəyi məhsulu Azərbaycanla da bölüşəcək. Bu, Azərbaycanın təhlükəsizlik imkanlarını artıracaq. Digər tərəfdən, artan Rusiya – Türkiyə hərbi əməkdaşlığının Cənubi Qafqazdakı proseslərə müsbət təsirini proqnozlaşdırmaq olar.
Rusiya istər-istəməz Türkiyənin Cənubi Qafqazdakı maraqlarını nəzərə almağa başlamalıdır. Türkiyə Azərbaycanla hərbi əməkdaşlığı daha üst səviyyəyə qaldırarsa, Rusiya buna etiraz etməməlidir”, - o bildirib.
Ölkə.Az