Van Qoqun bu əsəri 81 milyon dollara satıldı
Nyu-Yorkda keçirilən "Christie's" hərracında Vinsent Van Qoqun əsəri 81.3 milyon dollara satılıb.
"Ölkə.Az" xəbər verir ki, söhbət "Şumlanmış sahə və əkinçi" əsərindən gedir. Rəsm ərəsi 1889-cu ildə fırçadan çıxıb. 1890-cı ildə isə rəssam dünyasını dəyişib.
Hərrac 4 dəqiqə davam edib. Start qiyməi 50 milyon dollar olan əsərə adı açıqlanmayan alıcı telefonla maksimum qiymət verib.
Rəsm əsərində Van Qoq Sen-Pol psixiatrik xəstəxanasında müalicə aldığı vaxt pəncərədən müşahidə etdiyi mənzərəni təsvir edib. Avqust ayının sonunda işə başlayan rəssam 2 sentyabr tarixində əsəri bitirib.
Hikmət Həsənov
Ölkə.Az