Xaçmazda oğurluq edən 2 nəfər tutuldu

Xaçmazda oğurluq edən 2 nəfər tutuldu
23:32
18.04.2017
8
Hadisə
A
Xaçmaz Rayon Polis Şöbəsinin əməkdaşları rayon ərazisində oğurluq edən 2 nəfəri saxlayıb.

Ölkə.Az "Report"a istinadən bildirir ki, rayon Telekommunikasiya Qovşağına məxsus 60 metr uzunluğa malik kabeli oğurlayan şəxsin 1987-ci il təvəllüdlü Əkbər Məmmədov olması müəyyən edilib. O, əməliyyatçılar tərəfindən saxlanılıb.

İstintaq tədbirləri zamanı Ə.Məmmədovun rayon sakini, 1993-cü il təvəllüdlü Taleh Xanəhmədovla əlbir olaraq 1 ədəd kombi oğurlaması da müəyyənləşdirilib.

Faktla bağlı cinayət işi açılıb, araşdırma aparılır.

ŞƏRH YAZ
0

Binəqədidə "Kamaz" "07"-nin üstünə aşdı, 3 ağır yaralı — DƏHŞƏTLİ VİDEO

Binəqədidə
23:39
17.11.2017
2314
Hadisə
A
"Kamaz" markalı yük avtomobili "VAZ-2107"-nin üzərinə aşıb.

Bakı şəhər Təcili və Təxirəsalınmaz Tibbi Yardım Stansiyasından “Ölkə.Az”a bildirdilrə ki, hadisə nəticəsində 3 nəfər xəsarət alıb. Yaralıların vəziyyətilə və kimliyilə bağlı isə açıqlama verilməyib.

***

"Ölkə.Az" xəbər verir ki, hadisə Binəqədi rayonunda "Qrand" marketin qarşısında qeydə alınıb.

1993-cü il təvəllüdlü Həsənov Tural Alim oğlunun idarə etdiyi "Kamaz" markalı yük avtomobili hərəkətdə olarkən "90-NS-989" dövlət qeydiyyat nişanlı, "VAZ-2107" markalı avtomobil yük avtomobilinin qarşısında qəfil dönmə əməliyyatı ilə əyləc sistemindən istifadə edib. Nəticədə yük avtomobilinin yük bortu "VAZ 2107" markalı avtomobilin üstünə aşıb.

Hadisə zamanı "VAZ 2107" markalı avtomobildə olan 3 nəfər ağır bədən xəsarətləri alıb. Qəza ilə bağlı hadisənin baş verdiyi yolda nəqliyyat vasitələrinin hərəkəti məhdudlaşdırılıb.

Hazırda qəzanın nəticələrinin aradan qaldırılması istiqamətində tədbirlər görülür.

Ziya Səccad
Ölkə.Az

ŞƏRH YAZ
0

Ucarda avtomobil piyadanı vurub öldürdü

Ucarda avtomobil piyadanı vurub öldürdü
21:26
17.11.2017
2641
Hadisə
A
Ucarda piyadanın ölümü ilə nəticələnən yol qəzası baş verib.

Ölkə.Az-ın APA-ya istinadən xəbərinə  görə, hadisə bu gün axşam saatlarında Bakı-Qazax əsas magistral yolunun Ucar rayonunun Pirkənd kəndindən keçən hissəsində baş verib.

Gəncə şəhər sakini Gəray Aydın oğlu Məmmədov idarə etdiyi “Opel” markalı minik maşını ilə hərəkətdə olarkən yolun hərəkət hissəsinə çıxan Ucar rayonun Pirkənd kənd sakini, 1999-ci il təvəllüdlü Ülvi Ağaismayıl oğlu İsmayılovu vurub.  “Opel” markalı maşınının vurduğu piyadanı eyni istiqamətdə hərəkət edən 99 GC 923 dövlət nömrə nişanlı “Mercedes” markalı   minik maşını da vurub. Aldığı xəsarətlərdən Ü. İsmayılov hadisə yerində ölüb.

Faktla bağlı Baş Dövlət Yol Polisinin İstintaq və Təhqiqat Şöbəsində araşdırma aparılır.  Qeyd edək ki, mərhum Ü. İsmayılov  hərbi xidmətə çağırılıb.

ŞƏRH YAZ
0
BAĞLA