Yuri Lujkovun ölümündə həkimlər günahlandırılır

“Ölkə.Az” xəbər verir ki, bu barədə telejurnalist Andrey Karaulov öz Facebook səhifəsində yazıb.

Lujkovun ölümündə həkimləri ittiham edən Karaulov deyib ki, "onun ürək damarları düzgün əməliyyat olunmayıb, nəticədə  ürək damarı partlayıb və ölüb”.

Onun sözlərinə görə, Lujkovun ürəyinin 70 faizi sıradan çıxdığına görə, ona əlavə koronar  stendlər qoyulması lazım imiş.
Bununla bağlı Lujkov Vyanada ürəyinə ilk stend  qoyulan klinikaya zəng vuraraq danışıb, lakin orada əməliyyat üçün yaxın zaman ərzində yer olmadığından, məcburi şəkildə Münhendə təcili əməliyyat olunmaq barədə qərar verilib.”Əgər həkimlər onun vəziyyətini düzgün müəyyən edib əməliyyat etsəydilər, o yaşayardı”- Karaulov qeyd edib.

Y.Lujkov dekabrın 10-da 83 yaşında Münhendə dünyasını dəyişib. Xəstəxananın baş həkimi  deyib ki, Lujkov xəstəxanaya infarkt diaqnozu ilə daxil olub.

Karaulovun fikrincə, Lujkov  təcili ürək əməliyyatından sonra ürəyində yaranan fəsad nəticəsində ölüb.

Ölkə.Az