Zaqatalada yaşlı kişini maşın vurub

Zaqatalada yaşlı kişini maşın vurub
23:32
15.10.2018
766
Hadisə
A
Axşam saatlarında Zaqatala şəhərində piyadanın vurulması ilə nəticələnən yol-nəqliyyat hadisəsi baş verib.

"Ölkə.Az" report-a istinadən xəbər verir ki, Zaqatala şəhəri, F.Əmirov küçəsi, ev 7 ünvanında yaşayan 1962-ci il təvəllüdlü Nizami Abdultalıb oğlu Həsənov “Bayraq meydan”ı adlanan ərazidə yolu keçmək istəyən zaman “Niva” markalı minik avtomobili tərəfindən vurulub.

Qəzadan sonra N.Həsənov Zaqatala Rayon Mərkəzi Xəstəxanasına (RMX) aparılıb. Müayinə zamanı ona sol ayağın baldır sümüklərinin qəlpəli yerdəyişən sınığı, bədənin çoxsaylı əziyi diaqnozu qoyulub. Yaralının müayinə və müalicəsini davam etdirmək üçün Bakı şəhərindəki xəstəxanalardan birinə göndərilməsi nəzərdə tutulub.

Faktla bağlı araşdırma aparılır.

Ölkə.Az

ŞƏRH YAZ
0

Daşkəsəndə yanğın faciəsi — 5 nəfər həlak oldu (YENİLƏNİB)

Daşkəsəndə yanğın faciəsi
09:21
Bu gün
406
Hadisə
A
Daşkəsən rayonunda 5 nəfərin ölümü ilə nəticələnən yanğının bəzi təfərrüatları məlum olub.

"Ölkə.Az"ın Report-a istinadən məlumatına görə, yanğın rayonun Quşçu kənd sakini, 1970-ci il təvəllüdlü Tağıyeva Pənah Cəmil oğluna məxsus ümumi sahəsi 150 kvadratmetr olan fərdi evdə baş verib.

Hadisə zamanı ev sahibi həyat yoldaşı Gəncə şəhərində xəstəxanada müalicə aldığı üçün onun yanında olub. Yanğın zamanı ölən 2007-ci il təvəllüdlü Ədilxanova Günel Qoşqar qızının anası, ev sahibinin qızı da anasının yanında olduğuna görə, övladını ata evinə aparıb və qardaşı Asim Tağıyevin yanına qoyub. Dünən axşam saatlarında isə Asim mal-qarasının gəlmədiyini görüb, meşəyə heyvanatın dalınca gedib. Lakin mal-qaranı orada tapmayan Asim gecə saatlarında onları axtarmağa başlayıb və bu səbəbdən yanğın zamanı evdə olmayıb.

Yanğın baş verən zaman evdə onun həyat yoldaşı Sevinc Tağıyeva, 3 övladı və 1 baldızı qızı olub. Qadın və uşaqlar yatdığı üçün yanğından xəbərləri olmayıb. Yanğın evdə quraşdırılan odun sobasından başlayaraq evə yayıldığı ehtimal edilir.

Yanğın zamanı ev tamamilə yararsız vəziyyətə düşüb və ətrafdakı qonşular yanğından yalnız evin çardağında olan materialın (şiferin) parçalandığı an səsinə oyanıblar. Hadisə yerinə 2 yanğınsöndürən maşın cəlb olunub və yanğın söndürülüb və yaxınlıqda olan 2 tövlə yanğından mühafizə edilib.

Ölkə.Az

***

Daşkəsən rayonunda dəhşətli yanğın hadisəsi olub.

“Ölkə.Az” Report-a istinadən xəbər verir ki, rayonun Quşçu kəndindəki evlərdən birində baş vermiş yanğın zamanı beş nəfər həyatını itirib.

Ölənlər arasında dörd uşaq var: Tağıyeva Sevinc Şahin qızı (1990), Tağıyeva Aysun Asim qızı (2010), Tağıyev Sakit Asim oğlu (2012), Tağıyev Sadiq Asim oğlu (2017), Ədilxanova Günel Qoşqar qızı (2007).

Yanğının başvermə səbəbləri hələlik məlum deyil. Faktla bağlı araşdırma aparılır.

Ölkə.Az

ŞƏRH YAZ
0

Şabranda piyadanı maşın vuraraq öldürüb — YENİLƏNİB

Şabranda piyadanı maşın vuraraq öldürüb
00:22
Bu gün
579
Hadisə
A
Şabran rayonunda avtomobillə vurularaq ölən piyadanın şəxsiyyəti məlum olub.

"Ölkə.Az" report-a istinadən bildirir ki, bu, rayonun Ağalıq kənd sakini Əzizov Nurəddin Əhməd oğludur.

***

Şabran rayonunun Ağalıq kəndində piyadanın ölümü ilə nəticələnən yol-nəqliyyat hadisəsi baş verib.

"Şabran Rayon Mərkəzi Xəstəxanasından "Report"un Şimal bürosuna verilən məlumata görə, axşam saatlarında tibb müəssisəsinə "təcili yardım" maşını ilə şəxsiyyəti məlum olmayan kişi meyiti daxil olub.

Onun avtomobillə vurulduğu bildirilir.

Faktla bağlı hüquq-mühafizə orqanlarında araşdırma aparılır.

Bundan əvvəl Ağstafada avtomobil piyadanı vuraraq öldürüb.

Ölkə.Az

ŞƏRH YAZ
0
BAĞLA