Zaqatalada yaşlı kişini maşın vurub

Zaqatalada yaşlı kişini maşın vurub
23:32
15.10.2018
841
Hadisə
A
Axşam saatlarında Zaqatala şəhərində piyadanın vurulması ilə nəticələnən yol-nəqliyyat hadisəsi baş verib.

"Ölkə.Az" report-a istinadən xəbər verir ki, Zaqatala şəhəri, F.Əmirov küçəsi, ev 7 ünvanında yaşayan 1962-ci il təvəllüdlü Nizami Abdultalıb oğlu Həsənov “Bayraq meydan”ı adlanan ərazidə yolu keçmək istəyən zaman “Niva” markalı minik avtomobili tərəfindən vurulub.

Qəzadan sonra N.Həsənov Zaqatala Rayon Mərkəzi Xəstəxanasına (RMX) aparılıb. Müayinə zamanı ona sol ayağın baldır sümüklərinin qəlpəli yerdəyişən sınığı, bədənin çoxsaylı əziyi diaqnozu qoyulub. Yaralının müayinə və müalicəsini davam etdirmək üçün Bakı şəhərindəki xəstəxanalardan birinə göndərilməsi nəzərdə tutulub.

Faktla bağlı araşdırma aparılır.

Ölkə.Az

ŞƏRH YAZ
0

Göyçayda ağır qəza — Ölən var

Göyçayda ağır qəza
18:25
Bu gün
553
Hadisə
A
Göyçay rayonunun Şahsoltanlı kəndi ərazisində ölümlə nəticələnən yol-nəqliyyat hadisəsi baş verib.

DİN-dən "Ölkə.Az"a verilən məlumata görə, yanvarın 21-də saat 9 radələrində Göyçay rayonunun Şahsoltanlı kəndi ərazisində Potu kənd sakini Qnyaz Məmmədovun idarə etdiyi “Ford Transit” və Ağsu rayon sakini Bünyad Qaçayevin idarə etdiyi “VAZ-21063” markalı avtomobillər toqquşub. 

Nəticədə B.Qaçayevin sərnişini, Ağsu rayon sakini Mehman Cavadov hadisə yerində ölüb, sürücü və digər sərnişini xəstəxanaya yerləşdiriliblər. Baş İstintaq və Təhqiqat İdarəsi tərəfindən araşdırma aparılır. 

Ölkə.Az

ŞƏRH YAZ
0

Ağsuda dəhşətli cinayət — Ər arvadını namaz üstə bıçaqladı

Ağsuda dəhşətli cinayət
13:48
Bu gün
5015
Hadisə
A
Şəki Ağır Cinayətlər Məhkəməsində Ağsuda arvadını öldürməyə cəhddə təqsirləndirilən şəxsin cinayət işi üzrə məhkəmə prosesi başlayıb.

“Ölkə.Az” xəbər verir ki, hakim Rəşid Hüseynovun sədrliyi ilə keçirilən proses yanvar ayının 29-na təyin edilib.
Qeyd edək ki, hadisə ötən ilin iyun ayının 18-də axşam saatlarında Ağsu rayonunun Qaraqaşlı kəndində baş verib. Kənd sakini, 1988-ci il təvəllüdlü Namiq Həsənov həyat yoldaşı, 1992-ci il təvəllüdlü Həsənli Şəbnəm Qaçay qızını bıçaqlayıb. Yaralı təcili tibbi yardım stansiyasının avtomobili ilə Ağsu Mərkəzi Rayon Xəstəxanasının cərrahiyə şöbəsinə çatdırılıb. Həkimlərin səyi nəticəsində onun həyatını xilas etmək mümkün olub.
N.Həsənov arvadının kürək, qol, bilək və sinə nahiyəsinə 7 bıçaq xəsarəti yetirib.

Ailə üzvlərinin bildirdiyinə görə, qadın namaz qılarkən kişi arxadan ona qəflətən hücum edərək bıçaqlamağa başlayıb. Hadisəni törədən şəxs qaçsa da, polis əməkdaşları tərəfindən tutularaq istintaqa təhvil verilib. Saxlanılan şəxs ilkin ifadəsi zamanı həyat yoldaşının namaz qılmağını istəmədiyinə görə bıçaqladığını bildirib.

Faktla bağlı Ağsu rayon prokurorluğunda cinayət məcəlləsinin 29.120.2.4-cü və 228.4-cü maddəsi ilə cinayət işi başlanıb.

Natiq Allahverdiyev
Ölkə.Az

 

ŞƏRH YAZ
0
BAĞLA