Yaralanan polkovnik hadisə anından danışdı - VİDEO
"30 noyabr 2021-ci ildə bizdə praktiki atışlı təlim-məşq uçuşları olmalı idi. Səngəçal aeroodromundan qalxıb “Qaraheybət” aviasiya poliqonuna getməli idik. İstiqamət üzrə getdik".
Ölkə.Az xəbər verir ki, bunu Real TV-yə açıqlamasında helikopterdə yaralanan polkovnik-leytenant Emil Cəfərov deyib. O, sərnişin kabinəsində olduğuna görə tam təfərrüatı ilə deyə bilməyəcəyini söyləyib:
“Enişi yerinə yetirmə mərhələsində helikopter qəzası baş verdi. Heç bir nasazlıq hiss olunmadı. Amma helikopterin yerə çırpılma anından sonra ikimizi də helikopterdən bayıra atdı. Qalanını xatırlamıram”.
Qəzadan sağ çıxan polkovnik: Ərazidə güclü külək yox idi, saniyələr çəkdi...
Polkovnik 16 nəfərin helikopterdə olması ilə bağlı deyilənlərə də münasibət bildirib: “Heç bir məhdudiyyət aşılmamışdı. Helikopterdə desant daşıma sayı 24 nəfərdir”.
Hərbçi ayağında əzik olduğunu, sol qolunun bazu sümüyünün üst yuxarı hissəsində sınıq olduğunu deyib: “Səhhətimdə başqa problem yoxdur”.
Billurə Yunus
