Dağıntılar altında qaldığı deyilən tələbənin qohumu danışdı

"Hümamın nömrəsinə zəng çatmır, amma onların yaşadığı bina çökməyib".

Bu sözləri Ölkə.Az-a Türkiyənin Malatya şəhərində təhsil alan azərbaycanlı Hümam İsmayıllının bibisi Günel İsmayıllı deyib. O, hələlik Hümamdan xəbər ala bilmədiklərini söyləyib.

“Binanın yaxınlığındakı ünvandan bizə məlumat verdilər ki, onların qaldığı bina çökməyib. Hümam orada kirayə qalırdı. Semestr tətilinə də Azərbaycana gəlməmişdi.
Hələ ki,rəsmi olaraq bizə heç bir məlumat verilməyib. Nömrəsinə də zəng çatmır. Gözləyirik”, - deyə o söyləyib.

Qeyd edək ki, Türkiyədə azərbaycanlı tələbələrin dağıntılar altında qalması barədə məlumat yayılıb. Onlardan birinin də Malatya İnönü Universitetində proqramlaşdırma üzrə təhsil H.İsmayıllı olduğu bildirilirdi.

Billurə Yunus